世事政情

　　《東張西望》一連兩晚報道何伯因娶結識僅一個月的內地太太，而跟五名子女反目的個案。何伯直斥子女不孝，更指細女「忤逆」將他戶口450萬的定期存款「單簽」方式提走，於是報《東張》求公道。不過報道出街後，網友似乎一面倒力撐子女的做法，更封何伯為「提款基2.0」。

第一集：東張西望 | 76歲老父戀細30歲內地女！相識一個月討百萬做生意！戀情遭5子女反對何伯斥與細女聯名戶口450萬不翼而飛

　　《東張西望》早前播出這次個案的下半集，全城繼續「剝花生」，主持人魏柏豪陪同何伯和新婚妻主動找仔女，可惜原本同住的二仔家中已經換鎖，到細女醫院求見不成，似乎跟家人的談判未能成功。新何太提到被何伯仔女用粗言穢語辱罵，大受委屈，心痛何伯成為「夾心人」，一度在鏡頭前閉上眼痛哭，隨後，新何太透露何伯曾經疑似服藥輕生，在廁所吐血，她再次情緒激動狀作想喊，她說：「你唔好死，你死咗你啲仔女搵我算帳，如果你真係死咗，我成咗罪人。」

　　子女加上450萬與太太之間，何伯選擇了後者，戶口只剩4千多元，新何太承認現時社會情騙案的確好多又好慘，「但我唔會囉，哼！我會承擔照顧佢嘅責任，我有一啖飯食，佢就有，我唔會畀佢餓親。生意失敗嘅話，我都會打工養佢，佢唔使憂。」「沉船」的何伯感激新何太照顧他無微不至，「嚟咗咁耐就服侍我咁耐，照顧我咁耐，呢個老婆真係...證明我冇娶錯呢個老婆啦！」這段對白相當鏗鏘有力，而且浪漫感人，不過網友們反而最欣賞《東張西望》特別剪出來的一句，當時魏柏豪正在訪問何伯，但鏡頭後的新何太搭嘴教何伯講說話，何伯指開聯名戶口是方便將來仔女繼承，新何太即時激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」態度似足教訓的語氣，嚇到何伯只回應：「得喇得喇！」明顯是由新何太主導訪問的內容。

　　節目自從前晚出街之後，網民都議論紛紛，甚至出現一面倒撐仔女的局面，「好心你啦呀伯，人哋唔係為你啲錢為咩呀! 貪你後生呀？貪你夠老呀? 定貪你靚仔呀？」、「全港市民支持五個子女」、「個老婆咁年輕，叫佢出去打工養你！」、「全城皆醒他獨醉，希望東張繼續跟進事件」、「一開始講繼承嗰度，個女人幾緊張，本能反應」、「救命，全香港都知道你俾人呃 。 唯獨阿伯唔知」、「希望東張繼續緊貼呢單咁轟烈嘅愛情故事」、「何太係為冇錢而哭」、「多謝佢哋上東張，有警世作用。阿伯繼續你嘅溫柔鄉，但影響到啲仔女。」等等。

　　由劉德華監製、邱禮濤執導 、劉青雲、吳鎮宇主演改編自荷里活神作《冇數講》（The Negotiator）的新片《談判專家》6月6日舉行群星首映禮一眾戲中演員苗僑偉 、鄭則仕 、彭秀慧 、周文健 、韋羅莎 、盧惠光 、洪天明 、朱鑑然 、袁富華 、黃又南 、梁皓楷 、栢天男 、顏卓靈 等出席，現場氣氛熱鬧；當中不乏青雲的fans，包括飾演青雲太太的韋羅莎和被青雲作人質的顏卓靈也趁機會一跟青雲合照留念。

　　顏卓靈更專誠向劇組請假當日飛回香港出席，為求跟偶像拍照;  因為拍攝時要表現專業，所以不可以將自己是青雲忠粉的身份「外露」。而鎮宇的仔仔Feynman也有到場，捧爸爸場之餘主要是是來見Uncle青雲。而其中飾演青雲死對頭的周文健更自掏腰包買了50張飛請朋友入場捧場；支持他和這部戲之餘，也要繼續支持香港電影。洪天明也和太太周家蔚一同出席，他說告訴兒子在片中飾演壞人，沒想到兒子竟然回答他Yes，更說非常期待。除了一眾戲中演員出席外，很多圈中好友包括楊梓菁、伍允龍、馮皓揚、李惠敏、關寶慧、湯君慈、湯君耀等亦齊齊出席支持, 場面墟冚!

　　首映後一班演員由青雲和鎮宇率領下到戲院謝票，電影還未開埸，袁富華、鎮宇和青雲已經來個「談判」，竟引爆全場笑聲。主持問大家演出這部戲有多大挑戰，袁富華即謂當日再拍攝現場導演給他簡單的幾句對白便上場演出，於是他便跟對手鎮宇研究，請他多多指教，最後順利完成這簡單的一場戲。謝票現場再次感謝鎮宇幫忙，但鎮宇卻連忙解釋說：「其實我唔係唔想幫你，但係我都唔知個劇本點搞，同你一樣去到現場再算。你應該問劉青雲嘛，佢成個劇本背晒！」青雲連忙點頭，且一臉冷靜的回答：「係呀，拍呢部戲最大嘅挑戰就係吳鎮宇，因為導演同我講萬一吳鎮宇唔得就靠你喇青雲！」兩位影帝你一言我一語舌劍唇槍，現場觀眾笑過不停。

　　謝票期間， Moviemarks代表更送上他們手繪海報給鎮宇和青雲，氹得他們非常高興! Moviemarks 更於六月八日起展出劉青雲x吳鎮宇 小型作品回顧展, 回顧兩人以往曾經合作過的電影，以及他們各自經典電影作品！作為兩位影帝fans, 萬勿錯過！