過往專欄

　　一份得體CV有助增加見工的成功機會，要懂得評估一份CV是否「靚仔」，先問自己以下5條問題，如果「咁好彩」中3題或以上……建議你寫過另一份CV。

1.　工作摘要（Job Summary）係咪要長過6句？

　　係呀！點算好？減少1-2句為妙

　　吸睛位︰Job Summary務必要先聲奪人，具體列明專業資格和個人專長即可。另外，內容應以「老闆為本」，建議求職者從公司角度出發，簡而精地說明個人對公司可作出的貢獻。

2.　 簡介部分係咪多過（或少過）3項軟技能？

　　係呀！點算好？盡量以3項為宜。

　　吸睛位︰軟技能如溝通技巧、組織力等一般較「虛」，量太多反而嫌「水分過高」，削弱求職競爭力。建議取中庸之道，加入適量的「專業硬件」Balance一下，做到軟硬兼備。

3.　係咪唔明咩係「專業硬件」？搵唔到「專業硬件」？

　　係呀！點算好？再諗真啲！

　　吸睛位︰「專業硬件」泛指專業知識及易於量化的技能。近年熱門之選包括：數據挖掘及分析、資訊系統管理、SEO/ SEM營銷等。

4.　 CV內容係咪照抄招聘廣告中的職位描述（Job Description）？

　　係呀！點算好？改寫囉！

　　吸睛位︰係就係話要投HR所好，按招聘廣告「照單執藥」。不過要留意，求職者應針對應徵職位的要求，精選相應的技能和經驗為關鍵字，而非純粹搬字過紙。重點字眼︰「Hands-on experience with Statistical Analysis and Data Mining」、「Experience with SEO/ SEM Marketing」等。

5.　係咪CV每個部分都超過6個Points？

　　係呀！點算好？減囉！多字好「趕客」。

　　吸睛位︰建議將性質相近的經驗和成就歸類，整合為一。至於日常「濕碎嘢」，如影印、追單等「手板眼見」工夫，就不用多加描述。

　　無論是做Appraisal，抑或見工面試，要成功爭取加薪，記住留意〈講錢傷感情？開口加薪6要點〉！

　　連續寫了幾篇請人難，今次要寫搵工難！根據最新政府報告，香港失業率只有一點幾，可以說是全民就業，但實際情況是，依然有很多人用盡了努力還是未能找到工作。不斷都有收到讀者來函，訴說搵工的經歷有幾艱辛艱難，究竟僱主要甚麼？問我是不是要減人工任勞任怨才有機會獲聘？

Read More︰

職場女王Son姐｜有工冇人做，有人冇工做！金融銀行業招聘日in足整日都請唔到人！拆解香港職場困局︰經濟差即裁員，是管理層短視？

職場女王Son姐｜飲食業難題！侍應起薪$1.5萬都請唔到人？無人入行做點心酒樓老闆提議減大學學位？加錢無用！管理層要醒覺喇！

　　讀者A為面試做足功課，公司背景業務前景老闆是何方神聖，全部做晒background search，第一round見人事部過關。第二round見老闆，自問表現出色，但遲遲未有消息。打電話問HR，答案是不太合適，會繼續在市場搵人。讀者A不忿又不解，是否真的要請人？是不是因為人工高？降低人工要求，又會不會增加獲得聘請的機會？

　　讀者B send了很多求職信，面試的機會有，但面試完之後都是沒有下文。終於又有面試機會，而且工作範圍範疇是自己最在行的，信心滿滿志在必得！見人事部的時候，說得頭頭是道，直接問HR工作薪酬大概幾多？為表誠意，主動提出願意減薪三成以求獲得聘請。第二輪見主管，一直OK直至講及人工，為表誠意主動提出減薪四成甚至五成都冇問題。以為十拿九穩？結果還是沒有成功獲聘！

　　以上兩個case，是不是很葵花寶典？

　　讀者A做的工作，是要和老闆緊密合作的工作，所以性格是否合得來最重要。直白來說，就是老闆的主觀主導，鍾意唔鍾意，順眼不順眼，冇得解！站在HR的立場，當然希望快啲搞掂請到人close case啦，但是老闆唔滿意，只能繼續搵人。之前份工人工多少履歷寫明，如果嫌貴，人事部根本不會安排面試，老闆更加不會願意花時間見。如果只是想壓價，人事部會主動接觸傾條件。回覆只是不適合的話，唔請的原因就是字面那麼簡單，不適合囉！

　　讀者B以為減人工會增加聘請機會，但如果工作自己確實能夠勝任，舊公司的人工亦是市場正常水平，為甚麼要主動大幅減薪？很明顯連自己的價值何在都未搞清楚，一子錯滿盤皆落索。同HR講減三成都已經無厘頭，同主管講更提出願意減更多？一方面，人事部及主管都有猜疑，這個求職者之前工作是否曾經出過甚麼大事差錯？另一方面，他們需要請的是一個有能力勝任工作、能為崗位提供價值的員工，不是一個廉價勞工。

　　明就明，唔明就黎明，這句說話極有意思，大家明唔明？