吃喝玩樂

　　一人有一個夢想。每個人的夢想，皆有所不同。其他人見到，不單可能冇同感，反之，笑你傻。

 

　　但其實，笑你的，反而是否真正傻？

 

　小弟認識個別朋友，半世紀辛勞，儲到大量財富，三生用不完，但就是不捨得花，孤孤寒寒唔知為乜，終於雙腳一伸，搞到「人在天堂，錢在銀行」。結果？益晒班大狀。點解？因仔女及老婆二奶以至遠房親戚群起爭產，決戰高院。

 

　　你話幾無謂，何況，更製造家庭分裂。

 

　　另一端，則是大慈大悲，將畢生辛苦積蓄，全捐老弱傷殘，為世間留點愛。

 

　　中間的，則在儲夠財富後，追尋兒時夢想。

 

　　呢呢，我正有位老友大L，也是捱足一生，70歲了，財務自由，可以間中「任性」一下。

 

　　話說，疫情期，食肆全關，只做外賣。L哥數十年習慣，日日坐茶餐廳睇幾份報紙再歎一杯絲襪靚奶茶才辦公。茶記唔准開，點搞？

 

　有！立即入股相熟茶記，變成老闆或伙記，如此，就可名正言順以「員工早餐」為名照歎！

 

　　年多前，佢又因幾乎所有茶樓都唔再做某些傳統點心，覺得若有所失。點可以尋回兒時味道，例如一碟包得靚靚的雞絲粉卷呢？得！自己開！基於多年出任大集團CEO，對普通管理，簡直easy job。

 

兒時味道雞絲粉卷，已甚少人做。

 

　　趁疫情期開檔，舖租平，人工平，連尋覓高級點心師傅，亦得心應手，撬來五星級酒店中菜廳老師傅，剛剛想半退休，做小店，冇咁辛苦。

 

　　大L親自設計點心紙。我幫襯過兩次，肯定掂，今期介紹大家試試，睇睇可能尋回昔日情懷。

 

　　除雞絲粉卷外，所有點心用料，算不惜工本。例如簡簡單單鯪魚球，就用上等臘味切粒一齊打。鵪鶉蛋雀巢芋角，睇得又食得，並且照顧打卡一族需要。

 

鯪魚球用上等臘味粒一齊打。

鵪鶉蛋雀巢芋頭酥，大廚自創。

　　當然，蝦餃燒賣腸粉馬拉糕叉燒包全部有齊兼高水準。師傅即師傅，絕不讓低檔次出品上枱。

 

自拉腸粉滑嘟嘟，光閃閃。

平實皮旦瘦肉粥配脆卜卜油條。

人人會做的蝦餃，最易分高低。

精裝馬拉糕賣相別緻。

肥嘟嘟蟹子燒賣，用料上乘。

 

　　兩次皆如是，點心紙我食八成，死忍口，為乜？正是留肚欣賞其他食肆絕少見的鮮荷葉蒸飯。分別食過豬頸肉蒸飯及豆豉鱔片蒸飯！啖啖有荷葉。

 

發出荷葉幽香的蒸飯。

 

　　認識小弟者皆知，個人堅持，絕不因是老友的店子就介紹，因自己招牌非常重要。再者，任何新店，出品未得就食客蜂擁而至，後果將是……負評轟傳，「愛佢變成害佢」，好快冧檔。

 

　　講完，「大四囍」點心，廣東茶迷應該一試。有問題煩通知，小弟必火速轉告大L。呢位完美追求者，肯定會瞓身改善！

 

地址：跑馬地昌明街1號

電話： 2799 8098找劉經理，聲明Luke Sir粉絲訂位！

 

　　米芝蓮星級餐廳的最新名單將於 3 月 14 日公布，而米芝蓮今日就率先揭曉《香港澳門米芝蓮指南 2024》必比登推介，香港、澳門分別有 67 間及 10 間食肆上榜，共 77 間。最值得關注的一定是 10 間食肆首次入選必比登推介的新貴，香港則佔 7 間，當中由地道越南菜、人氣拿坡里pizza、經典廣東菜老字號、街坊潮州滷水店，至今期的話題店「文苑飯莊」都上榜。即睇完整名單。

 

必比登推介名單向來由米芝蓮評審員主理，揀選以低於 $400 也可歎到三道美味菜式的食肆。（圖片來源︰MICHELIN Guide）

 

米芝蓮2024必比登推介｜Ăn Chơi︰上環新開越南菜！點名讚姜公呂望烤魚

 

　　去年才開幕的上環 Ăn Chơi，由一對越南籍夫婦主理，供應一系列地道越南菜如配料豐富的法包、每天轉換地域風格的越南粉、雞蛋咖啡等，以當地小吃為主。米芝蓮也點名推介姜公呂望烤魚，店主改良傳統煮法，以自製發酵魚醬炮製比目魚，風味獨特。

 

（圖片來源︰IG @anchoi.hk）

（圖片來源︰IG @anchoi.hk）

 

（圖片來源︰IG @anchoi.hk）

（圖片來源︰IG @anchoi.hk）

 

Ăn Chơi

地址︰上環孖沙街15-17號地舖

電話︰5286 1517

 

下一頁︰拿坡里的滋味+文苑飯莊︰話題店「文苑飯莊」登必比登名單

 

米芝蓮2024必比登推介｜Little Napoli︰拿坡里的滋味！石窯高溫烤烘Pizza

 

　　由意大利主廚 Gavino Pilo 開設的 Little Napoli 近年進駐跑馬地，主打正宗拿坡里 pizza，老闆想把家鄉的味道帶到香港，所以食材均由拿坡里進口。薄餅即點即製，放入石窯以 400 度高溫烤烘，吃起來餅皮香脆、餡料美味多汁，其中以 Margherita 和微辣的 Vesuviana 口味較受歡迎。Little Napoli 更由米芝蓮入選餐廳，調整為必比登推介食肆！

 

（圖片來源︰IG @littlenapoli.hk）

（圖片來源︰IG @littlenapoli.hk）

 

 

 

 

View this post on Instagram

A post shared by Little Napoli HK (@littlenapoli.hk)

 

Read More︰

跑馬地最新覓食地圖！真心推6大必試小店！關注組大讚酥皮蛋撻/全港第一厚多士/石窯烤拿坡里Pizza

跑馬地有個小小拿坡里：4公噸石窯烤爐炮製正宗Margherita薄餅、罕有炸意式餡餅

 

Little Napoli

地址︰跑馬地景光街8號景光樓地舖

電話︰6882 1823

網址︰www.instagram.com/littlenapoli.hk

 

米芝蓮2024必比登推介｜文苑飯莊︰傳統粵菜新貴！話題店登必比登名單

 

　　早前因兩位 YouTuber 試食後評價兩極而掀起熱議的文苑飯莊，在最新必比登推介中亦榜上有名，米芝蓮指「餐廳雖位於隱蔽的屋苑商場內，但開業不久已憑優質粵菜吸引眾多食客捧場。」文苑飯莊主打傳統粵菜，除了燒味、點心、海鮮，也提供蛇羹和煲仔飯等菜式。金牌小炒王選用特大蝦乾、櫻花蝦和蝦球等，口感豐富且鑊氣十足。燒味宜提前預訂。

 

（圖片來源︰IG @manyuenrestaurant）

（圖片來源︰IG @manyuenrestaurant）

 

文苑飯莊

地址︰黃大仙竹園道55號天馬苑商場2樓S02號鋪

電話︰6315 7300

網址︰https://manyuenrestaurant.com/

 

下一頁︰老字號！細味經典廣東菜+西環街坊最愛潮州滷水店

 

米芝蓮2024必比登推介｜生記︰47年老字號！細味經典廣東手工菜

 

　　另一間新上榜的粵菜必比登推介還有生記，由 1976 年開業至今一直供應傳統粵菜，近月遷至新址後再度入選必比登推介名單。生記的菜單上依舊是一道道經典廣東美食，如招牌古法鹽焗雞、上湯枸杞浸豬膶、家鄉缽仔焗魚腸等，展現扎實的烹調功夫，令人回味無窮。要留意，部分菜式每天限量供應，建議預留。

 

Read More︰

灣仔食家飯堂搬遷前的最後晚餐！超香嫩鹽焗雞非食不可！必食招牌泥鯭粥、菠蘿生炒骨、秘製白糖糕！新舖位幾時再開業？

 

（圖片來源︰MICHELIN Guide）

（圖片來源︰MICHELIN Guide）

 

生記飯店

地址︰灣仔駱克道353號三湘大廈3樓

電話︰25752236、25752239

網址︰www.sangkee.com.hk/

 

米芝蓮2024必比登推介｜生記滷味︰西環街坊名店！必食招牌滷水鵝

 

　　同樣是生記，不過這間位於西環，是今年新入選香港必比登推介名單的潮州滷水店。生記滷味於 1998 年開業，選用來自潮州的穀飼獅頭鵝，陳年滷水則加了十數種香料，醇厚甘香。店家每日放入掌、翼、肝、腸、腎等部位慢火浸透入味。其中招牌鵝肉肉質緊緻，肉香十足。

 

（圖片來源︰MICHELIN Guide）

（圖片來源︰MICHELIN Guide）

 

生記滷味

地址︰西營盤皇后大道西263號和益大廈地下4號舖

電話︰2547 4035

 

下一頁︰兩姊妹涼皮、祥興記生煎包又有份！

 

米芝蓮2024必比登推介｜兩姊妹涼皮有限公司︰招牌涼皮、川味小吃！

 

　　兩姊妹涼皮有限公司（旺角）自 2023 年底遷至旺角後，今年再度入選必比登推介名單。餐廳加設堂食座位，繼續提供多款川味小吃。招牌涼皮冰涼透心，配搭青瓜絲、芫荽、花生碎及秘製辣醋，香辣可口，更可自選辣度，愛花椒者不妨選擇多麻。脆辣蓮藕丁也大受歡迎。

 

（圖片來源︰兩姊妹涼皮有限公司）

 

兩姊妹涼皮有限公司

地址︰旺角黑布街99號地舖

網址︰www.facebook.com/twinsliangpi

 

米芝蓮2024必比登推介｜祥興記︰爆汁生煎包！尖沙咀店都上榜

 

　　祥興記自 2016年 荃灣店獲選為米芝蓮推介小食後，分店遍布中環上環灣仔等地，今次其尖沙咀分店也上榜必比登推介，必點上海生煎包，分別有招牌、鮮蝦、麻辣、蟹粉等口味，皮薄餡滿，包底煎得香脆，一口咬下湯汁流溢，鮮美可口。唯一缺點是不設座位，大家只可於店外的小桌站著享用。

 

祥興記

地址︰尖沙咀樂道48號地下6A號舖

電話︰9844 2149

 

米芝蓮2024必比登推介｜完整名單公開！