大熱雞煲推介2022 | 懷舊打卡雞煲店 / 手作辣酒花螺雞煲 / 8小時濃厚花膠雞煲 / 熟食中心麻甩啤酒火焰雞／無骨啖啖肉養生雞煲／雞煲＋燒海鮮
#雞煲 #雞煲推介 #麻辣雞煲 #火鍋 #本地三黃雞 #無骨鳳翼釀雞煲 #鹹蛋黃醬雞煲 #秘製榴槤雞煲 #龍穿鳳翼 #豬骨湯 #番茄湯 #打邊爐 #金枕頭 #新鮮魚卜 #重慶麻辣雞煲 #花雕 #藥膳 #螺片 #花膠 #胡椒豬肚雞煲 #辣酒花螺雞煲 #雞煲翅 #牛頸脊 #吞POT雞煲火鍋住家菜 #旺角 #龍鳳呈祥雞煲火鍋 #尖沙咀 #西環 #堅尼地城 #街市熟食中心 #鯊魚骨醉雞鍋 #雪山魚翅雞鍋 #滋補鱷魚雞鍋 #啤酒火焰雞煲 #尚上下夏養生雞煲火鍋 #瑤柱群翅雞湯 #龍蝦湯 #養生菜膳湯 #酸菜雞煲 #燒烤 #海鮮 #燒皇燒烤雞煲專門店 #新蒲崗 #鮮入圍煮 #花膠雞煲氣溫驟降，冷冰冰的天氣下，特別想食熱辣辣又惹味的雞煲。雞煲永恆！你以為雞煲熱潮已過，事實是近年keep住有雞煲店開張！去年就有全新主打雞煲的火鍋店開張，大玩七、八十年懷舊主題，更推出多款獨特口味雞煲。另外，除了重慶麻辣雞煲外，別忘了有傳統的胡椒豬肚雞煲、椰子雞煲，還有已列為香港名物的花膠雞煲。喜歡麻甩，又可以去街市熟食中心以雞煲配雞子；還有還有住家健康風味、女士最愛養生滋補系列、矜貴高級格調雞煲店，以及雞煲＋燒烤雙重熱辣享受。有雞煲，氣溫再降也不怕！
大熱雞煲推介 | 1.打卡打到手軟！七八十年代懷舊主題！本地三黃手工雞煲——龍鳳呈祥雞煲火鍋
2022年新開的雞煲火鍋店，不得不提龍鳳呈祥雞煲火鍋。踏入店內，簡直以為時光倒流，令人回想起兒時跟阿爸阿媽去飲的情景。最搶眼便是酒家擺酒必備的金色大龍鳳，配上紅布背景及「xx聯婚」字句，充滿囍慶氣氛。另外，店內有霓虹燈裝飾，寫上「煙酒不足、睡眠過多」等玩味字句。餐廳牆身貼上仿紙皮石牆紙、鄧麗君、張國榮海報，亦擺設了乒乓波枱、足球機、懷舊電話和留聲機等，圓桌上還有昔日家居採用的熱水壺和公雞碗等，一切像回到香港的七、八十年代，打卡打到手軟。
一入門口便看見昔日酒家擺酒的經典布景，紅布加上一對大龍鳳。客人還可以在紅布上貼上聯婚姓氏，扮吓新人或者老爺奶奶。
（圖片來源：龍鳳呈祥雞煲火鍋Facebook）
場內有大量打卡位，懷舊汽水機、霓虹燈，好像七、八年代博物館一樣。
（圖片來源：龍鳳呈祥雞煲火鍋Facebook）
龍鳳呈祥雞煲火鍋還設有多個包廂，裝修設計重現大牌檔風味。
（圖片來源：龍鳳呈祥雞煲火鍋Facebook）
顧名思義，龍鳳呈祥主打雞煲火鍋。店內火鍋湯底大部分以本地三黃雞炮製，最受歡迎有招牌無骨鳳翼釀雞煲、秘製鹹蛋黃醬雞煲，還有期間限定的秘製榴槤雞煲。無骨鳳翼釀雞煲與裝修主題一樣向香港酒家經典致敬，無骨雞翼靈感來自幾近失傳的酒家菜——龍穿鳳翼，以人手將雞翼慢慢起骨，並釀入甘筍絲、西芹絲及墨魚滑，講求手工。而秘製榴槤雞煲亦吃得出餐廳落足真材實料，半隻雞也跟三粒榴槤肉，更加入秘製榴槤醬，果香甜郁。食過雞煲，便可選擇加入雞湯、豬骨湯或番茄湯打邊爐。
秘製榴槤雞煲$238／半隻雞
採用泰國金枕頭榴槤肉和榴槤殼白肉等製成榴槤醬，再加入新鮮榴槤於雞煲內，將果王香氣與三黃雞鮮味混然一鍋，甜香帶清，味道平衡。
（圖片來源：龍鳳呈祥雞煲火鍋Facebook）
招牌無骨鳳翼釀雞煲$278
來自昔日酒家的手工菜，雞翼去骨後釀入甘筍絲、西芹絲及墨魚滑，加入帶有甜香沙茶風味的雞煲醬，惹味非常。
（圖片來源：龍鳳呈祥雞煲火鍋Facebook）
連盛載蔬菜的器皿也十分懷舊，蘿蔔也切成心形，配襯囍慶布置，十分細心。
（圖片來源：龍鳳呈祥雞煲火鍋Facebook）
至於火鍋配料也大路也有刁鑽，除了花雕浸牛肉、A4和牛後腿肉、牛舌片和牛胸尖之外，還有大廚每日到街市選購的新鮮魚卜。打完邊爐，還有免費現場即製棉花糖，以甜蜜蜜踢走熱氣。
龍鳳呈祥雞煲火鍋
地址：尖沙咀加拿芬道16號金輝大廈2樓（入口於金馬倫道）
電話：2819 8881
營業時間：星期一至日12nn—12mn
下一頁：住家手作超多花款！必食鮮甜螺片花膠、辣酒花螺雞煲
大熱雞煲推介 | 2.住家手作超多花款！必食鮮甜螺片花膠、辣酒花螺雞煲—吞POT雞煲火鍋．住家菜
在旺角有兩間分店的「吞POT雞煲火鍋．住家菜」，聽名字便覺過癮。餐廳於午市主打健康住家菜，到了晚市，便提供雞煲火鍋。店內的雞煲除了有最大路的重慶麻辣口味，還有花雕藥膳、滋補螺片花膠、胡椒豬肚和辣酒花螺雞煲，配搭十分惹味，價錢由半隻$198起。想再豪多少少，$298便有半隻雞的極品雞煲翅。
「雞煲關注組」成員大讚餐廳空間充足，推介落地玻璃窗靠窗位，彌敦道726號23樓店仲可以睇日落。推介螺片花膠雞煲，雞肉肉質細嫩，花膠足料，熬出來的湯底鮮甜，而且不會愈滾愈鹹，證然天然無添加！
彌敦道726號23樓店設有落地玻璃窗，日落時分可看夕陽，入夜後可欣賞鬧市夜景。
（圖片來源：吞POT雞煲火鍋．住家菜Facebook）
配料方面，重質不重量，有本地手切牛頸背脊，店內更設有魚缸提供新鮮海產。而且餐牌上亦有不少自家製手作韭菜餃、鮮蝦雲吞、手打潮州魚蛋、蟹子墨魚滑和鯪魚滑，想試特別口味，還有香煎鵝肝蝦丸、黃金海膽黑墨丸和黑松露墨魚丸。連響鈴也是即叫即炸。午市以住家菜為招徠，晚市的打邊爐也做出重新鮮、重手作、重天然和重足料等家常口味，滾得溫馨滿足！
極品手切牛頸脊和封門柳$328
十分高質，像媽媽親自到街市挑選的靚牛。
（圖片來源：吞POT雞煲火鍋．住家菜Facebook）
自家製手打肉丸款式多，如香煎鵝肝蝦丸、黃金海膽黑墨丸和黑松露墨魚丸，一次過試勻，可選十全大寶丸$168。
（圖片來源：吞POT雞煲火鍋．住家菜Facebook）
吞POT雞煲火鍋．住家菜
地址：旺角彌敦道726號23樓
電話：2508 0002
營業時間：星期一至五及公眾假期前夕12nn—3pm、5:30pm—11:45pm；星期六、日及公眾假期12:30pm—3:30pm、5:30pm—11:45pm
下一頁：「麻甩」大牌檔風味！$138起抵食街市熟食中心惹味啤酒火焰雞煲、鯊魚骨醉雞鍋
大熱雞煲推介 | 3.「麻甩」大牌檔風味！$138起抵食街市熟食中心惹味啤酒火焰雞煲、鯊魚骨醉雞鍋—雞煲
位於西環堅尼地城士美非路街市樓上熟食中心的這間雞煲店，名字簡簡單單的兩隻字——雞煲，老派卻直接，而且風味十足，凍冰冰的冬天在此打邊爐，正！至於雞煲口味，除了復刻地道傳統口味的大笪地雞煲，大路的麻辣雞煲，還有鯊魚骨醉雞鍋、雪山魚翅雞鍋、滋補鱷魚雞鍋，以及視覺系的啤酒火焰雞煲，補身得來夠豪氣。雞煲可選擇大、中、小、微和走辣，而且，價錢只是由$138／半隻起，公道合理，人少少，甚至一、兩個人都可以歎！
街市熟食中心雞煲店也玩打卡視覺系，啤酒火焰雞煲$148／半隻、$248／全隻夠火辣。
（圖片來源：網上圖片）
推介口味地道的大笡地雞煲$138／半隻、$228／全隻，還可以加$38加添黑毛豬腸一份。
（圖片來源：網上圖片）
去過雞煲的，幾乎沒有負評，大讚地方夠大夠乾淨，雞煲又香又惹味，雞肉嫩滑肥美。至於配料，有接近一百款。除了海鮮拼盤、手切和牛及鹿兒島黑毛豚肉外，還有大量麻甩食材，如黑毛豬腸、新鮮豬腰、魚云、豬枝、有膏鵝腸和雞子等等，嗦湯之選的澱粉類還有泡麵和年糕。另外，還有自家手打肉丸、蝦滑和韭菜餃。餐廳位於街市之上，材料必定新鮮。有昔日大牌檔風味、夠麻甩，多選擇、有質素、價錢親民，而且同場還有鑊氣小炒，在這裡打邊爐，必定盡興！
來到街市打邊爐，最好約埋麻甩之友，來碟肥美的雞子。
（圖片來源：網上圖片）
雞煲
地址：西環堅尼地城士美非路12K號士美非路市政大廈2樓熟食中心
電話：2816 2098
營業時間：星期四至二5pm-11pm；星期三休息
下一頁：健康養生啖啖肉雞煲！無骨無筋雞胸雞髀自選！必食瑤柱群翅雞湯
大熱雞煲推介 | 4.健康養生啖啖肉雞煲！無骨無筋雞胸雞髀自選！必食瑤柱群翅雞湯—尚上下夏—養生雞煲火鍋
尖沙咀山林道的尚上下夏—養生雞煲火鍋極受女士歡迎，因為雞煲口味有瑤柱群翅雞湯、足料龍蝦湯和養生菜膳湯。而且，即使推出新湯底，也有「健康」和「激動」的款式選擇，如番茄二重奏健康滿分湯和開心麻辣激動番茄湯。雞肉方面，可以選擇半隻或全隻雞之餘，更可以選擇雞胸、雞髀，或雞胸拼雞髀，分量亦有大份及半份選擇。瘦身中的女士，可以選擇半份雞胸。另外，店內的雞肉已經去骨去筋啖啖肉，不用（口累）骨，女士們當然大愛！
店內牆身畫滿貓貓畫，打邊爐也有萌爆可愛感覺。
（圖片來源：尚上下夏—養生雞煲火鍋Facebook）
店內的雞肉已經去骨去筋啖啖肉，不用（口累）骨，女士們當然大愛！
（圖片來源：尚上下夏—養生雞煲火鍋Facebook）
對自己好些，推介瑤柱群翅雞湯$49加配半份雞髀$168，愈滾愈鮮甜。
（圖片來源：尚上下夏—養生雞煲火鍋Facebook）
配料方面，蔬菜類特別多，而且有鮮淮山和雲耳，食肉獸也有手切靚牛皇、手切頂級安格斯和海蝦及珊瑚蚌等海鮮。最吸引是店內不時推出的新口味配料，最近便有超爽甜梅菜豬肉丸、紅酒醋頸肉、甜心墨魚丸、芫荽餐肉餃和洋葱芝士雞肉丸等。真材實料，新鮮自家製作，配合養生滋補的湯底，愈滾愈靚！
除蔬菜外，牛肉也有大量款式選擇，食肉獸放心。
（圖片來源：尚上下夏—養生雞煲火鍋Facebook）
餐廳經常推出新口味配料，如鬼馬墨魚，又彈又脆好爽口！
（圖片來源：尚上下夏—養生雞煲火鍋Facebook）
尚上下夏—養生雞煲火鍋
地址：尖沙咀山林道23號地下
電話：2470 2668
營業時間：星期一至日 4pm-12mn
下一頁：熱辣辣雞煲＋燒海鮮！雞煲4級辣度＋自選洋葱芫荽分量！冬天必選足料胡椒豬肚雞煲！
大熱雞煲推介 | 5.熱辣辣雞煲＋燒海鮮！雞煲4級辣度＋自選洋葱芫荽分量！冬天必選足料胡椒豬肚雞煲！—燒皇燒烤雞煲專門店
燒皇燒烤雞煲專門店在上水、新蒲崗和荃灣也有分店，受歡迎原因，是一間餐廳集合雞煲和燒烤兩大冬天恩物。先說雞煲，有麻辣、酸菜、藥膳、椰子和胡椒豬肚雞煲，半隻雞價錢$148起，價錢合理。辣度分四級之餘，還可以選擇洋葱及芫荽分量。招牌推介椰子雞煲，夏天推介生津潤肺的椰子雞煲，冬天則推介驅寒暖胃的胡椒豬肚雞煲。火鍋配料較為大路，牛肉有加拿大特級牛肩肉和美國頂級安格斯肥牛，海鮮類較少，丸類菜類有齊經典款式，主要以陸上鮮配搭雞煲。而且，想歎海鮮，推介店內串燒。
新蒲崗店家具古色古香，地方寬敞，氣氛一流。
（圖片來源：燒皇燒烤雞煲專門店Facebook）
雞煲啖啖肉，無論胡椒豬肚雞煲或是麻辣雞煲，也可在冬天驅走寒意。
（圖片來源：燒皇燒烤雞煲專門店Facebook）
燒皇燒烤雞煲專門店的燒烤有近60款，招牌推介有燒法式鵝肝多士、西西里豬肋骨、燒紐西蘭上級羊架，而海鮮方面更是選擇豐富，燒蟶子皇、大扇貝、貴紀蚌、琵琶蝦、大眼雞、盲鰽和黃立倉等，鮮香惹味。一邊食雞煲打邊爐，一邊歎燒烤，雙重熱辣，將冬天寒氣完全驅走！
雞煲＋串燒都是熱辣辣香口惹味之選。
（圖片來源：燒皇燒烤雞煲專門店Facebook）
燒烤有大量海鮮選擇，如燒蝗子皇。
（圖片來源：燒皇燒烤雞煲專門店Facebook）
燒皇燒烤雞煲專門店
地址：新蒲崗衍慶街34號地舖
電話：2889 2221
營業時間：2889 2221
下一頁：超豐富膠質花膠雞煲！逾百隻三黃雞熬七、八小時！啖啖濃郁
大熱雞煲推介 | 6. 超豐富膠質花膠雞煲！逾百隻三黃雞熬七、八小時！啖啖濃郁—鮮入圍煮花膠雞煲海鮮火鍋
大部分的雞煲店都是以重慶麻辣雞煲為主打，而鮮入圍煮則以花膠雞煲為招牌。鮮入圍煮由旺角搬至尖沙咀，以竹簾及紅木餐桌營造出古色古香的中式小店氣氛。花膠雞煲可說是香港的冬天名物，鮮入圍煮先煎香三黃雞雞件再熬湯，可保持肉貿嫩滑。濃郁雞湯以每日以過百隻熬足七、八小時而成，做法有如雞燉翅一樣，加上大大件花膠，湯底鮮甜溫潤，更充滿豐富膠質。單是湯底，已值得專程捧場。
濃厚原隻雞煲花膠湯$268／小、$388／大，濃郁雞湯以每日以過百隻熬足七、八小時而成，鮮香濃郁。
（圖片來源：鮮入圍煮花膠雞煲海鮮火鍋Facebook）
湯底極之足料，有大大片花膠，每口也充滿膠質。
（圖片來源：鮮入圍煮花膠雞煲海鮮火鍋Facebook）
鮮入圍煮打正旗號主打海鮮，店內的游水海鮮天天運到，即叫即劏，以鮮字行頭。花竹蝦如手掌般長、南非鮑魚、沙巴龍躉、貴妃蚌全部肥美。牛迷也不會失望，店內採用美國A級手切肥牛，牛鮮濃郁的同時，與花膠雞煲平衡。另外，亦有提供坊間少見的火鍋料，如鵪鶉蛋、牛骨髓和野生竹笙皇。由湯底至配料全部高質矜貴，食雞煲也高貴過人！
肥牛有本地新鮮牛肉、美國A級牛肉和安格斯牛肉，入口軟嫩，牛鮮濃郁。
（圖片來源：鮮入圍煮花膠雞煲海鮮火鍋Facebook）
鮮入圍煮花膠雞煲海鮮火鍋
地址：尖沙咀厚福街8號H8 8樓
電話：2782 2003
營業時間：星期一至日12nn—11:45pm、12mn—1:30pm