【AIA歐陸嘉年華2017】編輯精選10大「必玩」機動遊戲＋攤位「贏公仔」攻略
#AIA嘉年華 #本地玩樂 #玩樂攻略 #樂園攻略一年一度的AIA歐陸嘉年華又返嚟了！踏入第四個年頭，今年設有34個機動遊戲及遊樂設施，當中超過10個更是首次引入香港，而攤位遊戲方面，除保留深受大眾歡迎的項目之外，亦加入了大量新元素，超過一百萬隻毛公仔等著大家帶回家中！
同時亦加了不少前所未見的新體驗，焦點新項目包括：挑戰人類身心極限的雜技表演 The Great Circus of Europe 、Billboard Radio Live 音樂盛事以及專為小朋友而設的柏靈頓熊x倫敦場景裝置！出發前等小編率先帶大家行個圈，熟讀一系列的懶人包啦！
下頁介紹 編輯精選10大「必玩」機動遊戲
編輯精選10大「必玩」機動遊戲
1. 「睇景一流」飛天鞦韆
睇落其實都幾高，而且轉得又急又快，感覺成個人飛出去大海一樣，不過就沒有離心力，又可以看盡嘉年華園內靚景，以及維港景色，對於喜歡居高臨下以及速度感的朋友來說，都是一個不錯的選擇！
2. 「瘋狂反轉」Extreme
座位除了會圍繞中心公轉，更會360°自轉，的確是把人瘋狂反轉再反轉，怕暈的朋友上車前一定要想清楚啊！
3. Super Giant Slide巨人滑梯
這座充滿馬戲團色彩的高塔，上年都有嚟玩的朋友一家非常熟悉！行入去之前，首先要拎一張草氈，然後就可以進入塔內，行樓梯到塔頂，最後當然係沿著高塔的外圍瀡落嚟啦！
4. Fun House逃出機關屋
Fun House是一個室內闖關遊戲，外型是仿德國巴伐利亞的家居建築，大家進入後就在屋中穿梭行走，入面有多個機關，每一步都會遇上不可預測的機關！
5. Doggems碰碰車
無論去到邊，碰碰車都一樣係咁受歡迎！大家一上車就可以一嘗橫衝直撞的快感，全程笑不停，個心就淨係諗住點樣喺車群中撞嚟撞去，又唔危險，真係好好玩！不過人龍都頗長，想玩就要給點耐性了！
其他精選機動遊戲：
360°垂直旋轉Altitude
充氣彈床Assault Course
Balloon Ride
Bungee Trampolines
Super Swing
下頁介紹 攤位「贏公仔」攻略
AIA歐陸嘉年華2017攤位「贏公仔」攻略
現場有這麼多攤位遊戲，送出一百萬個毛公仔，花多眼亂，到底邊個攤位遊戲最易贏到公仔？邊個又係大伏？小編玩盡全場所有攤位遊戲，同你總結一下「攤位遊戲必勝攻略」啦！
1. 木球保齡
玩法：利用木球，將所有保齡樽推倒即贏。四次機會，一次便能推倒所有保齡樽可得特大獎；兩次將保齡樽全倒，可得大獎；如此類推。
所需代幣：2（4次機會）
難度：★☆☆☆☆
Tips：只要「出盡全力」將球推出去，就可以把保齡樽撞跌，輕鬆贏得公仔，
2. 牛奶樽投球
玩法：將球拋進牛奶樽內。四次機會，一次拋進牛奶樽可得特大獎；兩次拋進牛奶樽，可得大獎；如此類推。
所需代幣：2（4次機會）
難易度：★★★☆☆
Tips：因為距離很近，所以只要學似「打籃球」射籃般，就能輕易入樽，不過千萬記住要輕力投球！
3. 白桶神槍手
玩法：用槍將小白桶擊落。四次機會，全部擊落可得特大獎；擊落9個可得大獎；擊落8個得中獎；擊落6-7個得小獎。
所需代幣：2（4次機會）
難易度：★★★☆☆
Tips：眼界精準便無敵，沒有什麼技巧啦！
4. 憤怒鳥彈弓
玩法：利用彈弓將所有障礙物完全射出桌面即贏。四次機會，一次便能推倒所有障礙物可得特大獎；兩次將所有障礙物射出桌面，可得大獎；如此類推。
所需代幣：2（4次機會）
難度：★★★★☆
5. 滾動乒乓球
玩法：將乒乓球碌入指定的數字格內，4球的數字總和達3-6分可得小獎，7-9分得中獎，10-11分得大獎，12分則有特大獎。
所需代幣：2（4次機會）
難易度：★★★★☆
Tips：同樣沒有技術可言，乒乓球隨意向下滾動，要中唯一3分的洞很難，要四球都幸運入3分洞，就更加是不可能！若果有一點運氣，中細獎還是有機會的！
6. 命運汽水圈
玩法：將膠圈套中汽水樽即中獎，贏走啤啤熊
所需代幣：2（10次機會）; 5（一桶子機會）
難易度：★★★★★
Tips：由於圈太細，樽口亦細，要對準套入汽水樽，簡直是挑戰不可能！拋圈力度不能太大，否則會輕易撞飛出場外，套入的角度調較亦需要反覆練習，不過照小編拋了三桶圈圈都沒有零的突破，我亦只好建議大家別拋了！
其他攤位遊戲：
電極棒挑戰
拋豆袋
數字飛標
滾桶投球
無敵呼拉圈
籃球遠射
場內亦設有多個影相位，大家玩樂的同時，不妨拍照呃LIKE！
AIA友邦歐陸嘉年華
日期：2016年12月21日至2017年2月25日
地點：中環海濱活動空間
門票：成人$130 (包10個代幣) ；小童（3－11歲）或殘疾人士$90（包7個代幣）；3歲以下及65歲或以上長者免費入場。另設入場門票$40。
＊持有 The Great Circus Europe或Billboard Radio Live 音樂會門票者，可於同日單次免費進入友邦歐陸嘉年華