吃喝玩樂

　　疫情下，長期待在家中難免會抗疫疲勞，總會想外出「透透氣」，說時遲那時快，轉眼已到春天，又是繁花盛開的季節！每逢3月，都是櫻花和黃花風鈴木綻放的季節，一遍遍的花海令人賞心悅目，只不過櫻花和黃花風鈴木的花期也十分短，這次編輯就為大家精選了4大賞花地點，一起來抓緊花季的尾巴吧！

1.    大埔海濱公園：罕見墨染櫻！

　　轉眼間己有兩年無得「返鄉下」，最令大家掛念的，一定是盛開的櫻花，還有那櫻吹雪的畫面。

　　正所謂「望梅止渴」，想止旅遊癮，其實也可在香港看櫻花！除了熱門景點如單車館公園和嘉道理農場，編輯特別推介大埔海濱公園，大埔海濱公園在大發街入口裁種了富士櫻以及墨染櫻，櫻花樹並排形成花海，打卡一流！

　　值得一提的是，有別於我們常見粉紅色的富士櫻，墨染櫻顏色較白，在香港亦較為少見，想睇盡不同櫻花的朋友就千萬不要錯過！

大埔海濱公園

地點：大埔工業邨大發街

交通：港鐵大埔墟站A3出口轉乘K17綫港鐵接駁巴士至富善總站，步行約10分鐘

2.    沙田安景街公園: 河畔盛開富士櫻！

　　今年沙田的安景街公園同樣成為賞櫻熱點之一，隨便在網上搜尋「香港櫻花」，就可看到不少照片都攝於安景街公園！安景街公園位於城門河畔，種有大約10棵櫻花樹，盛開的櫻花伴以河景，即使是新手也很容易就拍出各種美照！

（圖片來源：Oympus Imaging Hong Kong @ FB）

　　安景街的櫻花早於3月初旬已經開花，網上有情報指，櫻花樹近日已開始漸漸長出綠葉，想追櫻的你就要把握機會啦！

（圖片來源：Oympus Imaging Hong Kong @ FB）

安景街公園

地點：沙田安景街

交通：港鐵屯門線石門站C出口往碧濤花園方向行，步行約10分鐘

下頁睇黃花風鈴木！

3.    南昌公園：「黃色風鈴」花海！

　　天氣逐漸暖和，意味著又到黃花風鈴木綻放的季節！隨意走在街上，也不難發現黃花風鈴木的蹤跡，不過說到要「賞花」，就一定要到每年的黃花風鈴木熱點南昌公園！南昌公園行人徑的旁種有約30多棵黃花風鈴木，每逢春天，南昌公園都會化身成一遍黃色花海！

（圖片來源：Paal To Hung @ FB）

　　現時南昌公園的黃花風鈴木都已經全部盛開，吸引了不少人專程前往打卡野餐，在一顆顆「黃色風鈴」下悠閒渡過一個下午，也不失為一個好主意！

（圖片來源：Peter Liu @ FB）

南昌公園

地址：深水埗深旺道20號

交通：港鐵南昌站 D1 出口

4.    將軍澳單車館公園：櫻花、黃花風鈴木齊晒！

　　除了南昌公園，位於將軍澳的單車館公園亦是另一個黃花風鈴木的人氣熱點！雖然單車館公園的黃花風鈴木數量不及南昌公園，但勝在人流較少，怕南昌公園太多人的朋友亦可以「轉戰」這裡，或許更容易拍到美照！

（圖片來源：David Ng @ FB）

　　除了黃花風鈴木，單車館公園其實也是人氣櫻花熱點之一，只可惜網上情報指單車館公園的櫻花已開始凋零，若想同時觀賞兩種盛開的花，可能要等到下年啦！

（圖片來源：David Ng @ FB）

將軍澳單車館公園

地址：將軍澳寶康路105-107號

交通：港鐵坑口站B出口 或 將軍澳站A出口

　　23條立法之後，中環精英都真係要同阿爺交功課，拼經濟、謀發展，不過第一大關「垃圾徵費」睇嚟就受到各大政黨嘅壓力，唔胎死腹中都會一定程度延後，唔多唔少都幾落中環面。而另一大關「沙田T4項目」，又再一次考驗各路人馬嘅政治智慧。

　　沙田T4主幹路工程，造價高達71.6億元，喺政府莫財乜都要減之下，當然惹起爭議，早前更要臨時抽起撥款申請，或要增潤一下文件。日前立法會財委會特別會議上，唔少議員都關注政府有無可能再調低價錢，有傳聞就話，政府左減右減，最多都只係微減到2億至3億元，九牛一毛，未必回應到部分議員嘅期望，但仍然計劃下月初提交財委會審議。

　　今次呢個撥款申請，帶頭反對得最勁嘅就係從屬政治聯盟C15+嘅新界東南立法會議員林素蔚，佢接受傳媒查詢時就講過項目造價離譜，如工程造價最後無大幅降低，或無替代方案，就算再上財委會，個人都會投反對票。同佢同一陣線嘅另外三位議員楊永杰、張欣宇同梁文廣（都係屬於C15+，不過佢哋另外稱自己係A4聯盟），都某程度上表示過難以支持撥款，最終會唔會反對都係睇政府最後定案。

政府指T4可解決沙田、火炭、石門及馬鞍山等地區的交通擠塞問題；圖中黃色線路為模擬T4路段。（運輸及物流局fb圖片）

　　Tina聽聞，政府對今次撥款申請可以話係如臨大敵，已經四出拉攏其他黨派，務求可以在高票之下通過有關撥款。據透露，政府最唔想見到就係幾路人馬齊齊聲言反對，咁樣喺壓力之下都難以硬闖；而C15+總共有15位議員，政府亦唔希望見到佢哋全體反對，據聞政府將會採取「分化」手段，希望將反對票僅限於聯盟內少數。

　　而政府之所以咁高度設防，正正就係因為「垃圾徵費」呢個前朝遺留嘅待上馬政策，去到埋門一刻受制於民意同議員嘅反對聲音，無乜可能短期內落實，「政府梗係覺得管治威信受損，萬一T4項目都一樣要撤回的話，對於現屆政府就更加係無晒面，亦難以展現行政主導嘅威嚴，所以今次T4絕對係一個大考！」

　　政府難搞之外，對各政黨嚟講亦係考牌之作，事關呢個工程昂貴係鐵一般事實，作為以監督政府花錢為重任嘅立法會，喺發揮到呢個功能之餘又要唔得罪一眾中環精英，的確唔易掌握。政壇中人都話，場戲有排睇。