世事政情

　　【晴報專訊】何韻詩在科學園舉行《On The Pulse Of我們正在》音樂節前晚圓滿結束，提到周日便是師父梅艷芳逝世15周年，阿詩很感恩自己這些年來所做的一切，都對得住師父。

何韻詩在科學園舉行《On The Pulse Of 我們正在》音樂節前晚圓滿結束。

　　阿詩前晚在台上坦言，為了籌辦今次演唱會、音樂節及市集，開騷前幾乎失聲。提到開騷面對種種問題，阿詩感觸說︰「人要面對好多難關，有啲係外在，有啲好無助，但我相信每個困難都係契機，有機會令自己變得更好。」隨後唱出獻給故友盧凱彤的歌曲《代你白頭》。

唔可以循規蹈矩

老友杜汶澤特地捧阿詩開騷。（圖片提供：goomusic）

　　在encore環節，阿詩笑說︰「事不宜遲，雖然我哋有噪音管制，但唔好理佢。」她唱《勞斯萊斯》時兩度忘詞，最後以《千千萬萬個我》作結。她在騷後笑說︰「今次係玩死自己同同事系列，除咗音樂會，仲有個市集，呢幾日見到好多一家人行市集，聽講部分攤位每日賺到兩萬。喺依家嘅環境，做歌手唔可以循規蹈矩，我想跳出框框。」

　　提到本為表演嘉賓的台灣閃靈樂團，日前被入境處以欠缺「香港境內不存在技能」為由拒發工作簽證，阿詩說︰「前一晚佢哋嚟咗啦，本來電腦死機，點知最後用手機都做到（直播），證明只要唔放棄就可以成事。」下次會否找有「特異功能」的歌手演出？她搞笑說︰「我開始練定特異功能，到時將內功過畀佢哋。」

　　周日正是師父梅艷芳逝世15周年，阿詩表示沒有特別紀念活動︰「唔止嗰日先要上香，最緊要將師父做人精神放喺工作。呢15年我盡力做好自己，希望無失禮佢。」

　　51歲鄭秀文（Sammi）自從老公許志安與黃心穎搞出「安心偷食」的桃色新聞後，一直對許志安不離不棄。感情生活向來低調的鄭秀文，昨日（18日）突然在社交平台，分享近日生活照時，疑自爆懷孕，與網民互動對話：「真體貼我這位高齡產婦人士！」，震驚全港。

　　上年鄭秀文確診新冠肺炎，而取消所有工作休息。最近已經回復狀態大勇，復工拍攝廣告，大騷「排骨」身材。而她出席頒獎禮頒獎典禮做頒獎嘉賓時，高貴登場。由於她因患病而取消的演唱會，即將在七月舉行，所以鄭秀文這段時間也正積極做運動，籌備一個精彩的演出。她不時上載跳舞片段，而且曾自嘲，「Mi就算年輕時，記舞步一向不算快，（其實係慢。因為蠢和笨），真係要用九牛二虎之力去記住啲舞步，現在年紀大了，更加慢喔！ 稍有分心就完全記唔到。瞓唔夠就更死。惟有早啲開始進行練習。」

　　當時有人留言勸鄭秀文不用急，就算跳舞環節少一點都不介意，因為大家都只是想多看到她演出就足夠，不料鄭秀文竟然回覆：「真體貼我這位高齡產婦人士！」她突然自爆做產婦，但最大疑問是，鄭秀文連日來都積極上載做運動片段，跳舞、舉重、打拳之類不適用於孕婦的運動，其實她都做齊。

　　當鄭秀文有這個回應時，立即惹起網民熱議，好多人都十分激動，紛紛衝入鄭秀文的Telegram討論區留言：「係咪生咗」、「原來上年係去生B」、「50歲得唔得」，討論了一段時間後，鄭秀文知道自己惹來一個誤會，終於出來解開大家的疑問和內心的好奇。

**更新：最後，鄭秀文在IG出Post指自己把「高齡婦人」誤打成「高齡產婦」，引起誤會。她更指：「Mi冇秘密生B，生肌肉就有，你睇我手瓜仔起輾！」