世事政情

　　【晴報專訊】MIRROR成員「教主」盧瀚霆（Anson Lo）昨日26歲牛一，有粉絲豪花六位數字在郵輪船身用LED燈寫賀詞祝福偶像外，位於尖沙咀的大型賀壽廣告牌亦成拍照景點，連前輩李司棋也化身「神徒」（Anson Lo粉絲）打卡。Anson Lo昨晨穿上冬裝突襲廣告牌現場造勢，「教主誕」變全城盛事。

　　一班神徒近日為「教主誕」出錢又出力，有女狂迷在偶像專屬的排舞室舉行為期四日、名為「Stand By You」的展覽，又有粉絲在巴士車身及巴士站燈箱落廣告為偶像慶生。不少神徒為冧Anson Lo，更在尖沙咀天星碼頭對出位置租下巨型生日廣告牌，連日來吸引不少粉絲前往打卡。壽星仔昨晨與經理人黃慧君（花姐）神秘現身，由於時間尚早，因此未被神徒包圍。最搞笑是Anson Lo在超過攝氏30度的高溫下，穿上厚厚大褸到場，並由花姐揸機拍照，不少網民取笑他在烈日當空下穿冬裝上陣，必定熱到暈。然而，經過教主真身「加持」後，昨日下午開始，該大型生日廣告牌前聚集大量人潮，亦有神徒密密影「教主巴士」，瘋狂程度絕不比月前姜濤生日時出現的銅鑼灣大型打卡人潮遜色。

穿上冬天衫的Anson Lo在生日廣告牌前拍照留念。（FB圖片）

Anson Lo與花姐昨晨低調到場，未有製造混亂場面。（FB圖片）

李司棋原來是鏡粉

李司棋前晚化身神徒，獲不少網友大讚識貨。（IG圖片）

　　與此同時，70歲的李司棋原來也是神徒，她日前與關菊英、夏雨等《溏心風暴》系列演員飯聚時沒有po相，反而前晚上載於教主生日廣告牌的打卡照。司棋姐說：「往購物途中看到很多Anson Lo fans爭相拍照，我也影埋一份，年輕偶像好厲害！」司棋姐公然撑ViuTV男神，令網友意外，Anson Lo昨晨亦急急留言感激前輩︰「多謝司棋姐！」司棋姐回覆時更暗示自己是MIRROR粉絲︰「喜歡睇你哋跳舞，繼續努力！」

Anson Lo為《大叔的愛》拍下男友視覺短片，大派福利。（網上截圖）

郵輪賀壽場面壯觀

雲頂夢號郵輪船身播出「7 Jul Anson Lo」閃爆賀詞，認真誇張。（FB截圖）

　　不過，「教主誕」最強應援可說是粉絲豪擲六位數字，在一艘郵輪的船身以LED燈展示ANSON LO慶生字樣，非常誇張。該郵輪獲封「神徒號」，昨晚於杏花邨、小西灣及將軍澳對出的海旁出沒，吸引沿岸大量神徒拍照，勁有氣勢。另外，昨天生日special浪接浪，Anson Lo推出新曲《不可愛教主》外，ViuTV上載全長77分鐘的《大叔的愛》劇尾「男友視覺」彩蛋片段，讓一班神徒狂loop，截至昨晚勁吸超過一萬like；至於JOOX吹水台昨晚亦開台聚集神徒，討論教主新歌MV，期間Anson Lo突然現身，令神徒超級驚喜。

　　MIRROR成員呂爵安（Edan）一向好有幽默感，玩social media功力更是出神入化，吸納了不少路人轉粉。23日剛出席《12怪盜》粉絲見面會的Edan，立即在社交網「上水」分享靚仔相，但他竟然講笑自稱是友台「Loong9」成員？引發爵屎大爆笑！

　　Edan昨日以靚仔眼鏡look現身「12怪盜團魂見面會」，有粉絲抽中親筆簽名1:1人形立牌，Edan簽名在自己的臉上，搞笑說覺得自己似哈利波特。事後，Edan在網上派福利po出一系列靚相，其青靚白淨的造型似時流行的「小奶狗」風格，意即「年紀小、溫柔、撒嬌又癡身的犬系男友」。他留言問道：「其實…咩係小奶狗?#又選擇困難症 #又嚟民意調查吓先 #俾你放第一張你會放邊張 #下次再見」

　　他在Threads亦有上載這批靚相，不過他語帶雙關留言：「小奶狗？ No，我係大Loooooong9 . . . . . . . . . （I mean我係大鼻哥窿嘅傻9（狗）, 唔好亂諗thanks）」深明流量密碼的他，竟間接提及友台男團Loong9，網民搞笑回應：「你公司好擔心你亂講嘢」、「玩命示範」、「我要舉報 懷疑你想當眾講粗口兼且抽隔離台男子組合水一箭雙雕」、「你會唔會比（被）花姐捉」、「小心入錯團」等，更有人將Edan key成Loong9全隊。

　　此外，Edan出名是一名「妹控」，日前Edan分享自己駕車的型男照，原來由妹妹小如豬操刀。他大讚自己：「Threads妹豬mode: 如果有個男仔咁樣車我我一定沉到落地核♪（´ε｀ ）」但當網民問：「如果有個男仔用呢招氹你個妹上車你個心情到時會唔會沉到落地核？」Edan即留喊到傻的顏文字「（;´༎ຶД༎ຶ`）」，相當搞笑，有網民笑言若將來小如豬出pool（拍拖），Edan要開live剖白心情。