世事政情

　　【晴報專訊】一連九場《黎明Talk & Sing 2021紅館演唱會》前晚假紅館開鑼，天王黎明（Leon）大唱經典情歌派金句，更與嘉賓林海峰（Jan）合唱姜濤名曲《蒙著嘴說愛你》，為全場觀眾送上驚喜。Jan又借姜濤向黎天王抽水︰「隨時你另一半跟咗姓姜嘅！」非常大膽。

　　黎明在個唱頭場找來Jan擔任嘉賓，二人除了合唱《夏日傾情》，更驚喜演繹MIRROR人氣王姜濤的《蒙著嘴說愛你》，全場high爆。曾在紅館開棟篤笑的Jan，當然未有放過機會冧一班「黎太（Leon粉絲）」︰「Leon邀請我嘅時候，我第一時間推咗，因為喺『金句王』面前叫我嚟真係獻醜。但無辦法，Leon直情打電話嚟，等我畀啲證據大家聽。」

黎明前晚高唱《那有一天不想你》等經典舊歌，氣氛熱烈。

爆工人姐姐廚藝麻麻

Jan指黎明家中一屋女人，取笑老友屋企陰氣重。

　　Jan用電話播出Leon給他的WhatsApp語音留言，然後說︰「我收到呢個電話嗰陣，仲以為銀行打嚟，我話我唔使借錢。」Jan踢爆黎明狂派金句︰「其實我同Leon唔熟，我話『Leon，噏乜嘢？』Leon即同我講︰『Jan，噏咩？Up To You啦！』佢係九秒九彈嚟呢句嘢，我諗下都真係幾好用㗎喎！」笑爆全場。其後，Jan再出招︰「Leon話『綵排綵排，都不及天意安排』，即係黎明開talk show，佢出場會噏咩？Up To You啦！個騷可以即刻完，呢句真係金中之金。」Leon平日甚少談及與前助手Wing誕下的愛女及家事，Jan乘機大迫供：「細蚊仔好嗎？太太好嗎？」Leon簡單回答︰「好呀！」Leon大方指愛女已三歲，又爆工人姐姐的廚藝一般。Jan搞笑說：「天王生女，最吊詭佢個女唔會成為天王fans，反而最終會成為另一個男人嘅fans。塵世間最痛苦莫過於此，就好似將『最受歡迎男歌手獎』畀咗個男仔咁，攞去啦，同埋個女一齊攞去呀，呢啲叫做『樂壇傳承』呀！」

「大劉」劉鑾雄與太太陳凱韻（甘比）結伴捧場。

容祖兒為偶像隔空尖叫

姜濤是現今娛樂圈「人氣王」，廣告合約不斷。（IG圖片）

　　Jan亦借男團MIRROR及姜濤紅遍娛樂圈的現象叮囑Leon︰「唔好話我唔提你，今時今日要忌一忌，隨時你另一半跟咗姓姜嘅，返到屋企門口見到十幾個人（MIRROR）喺度！」惹來全場「黎太」笑聲。而姜B亦有在IG轉發黎明及Jan合唱的片段，並留言︰「謝謝。」另外，容祖兒昨日在IG上載與Leon的合照，更稱︰「雖然人不在，但我的精神是絕對不能離開！所以我趁機打聽偶像，我能為他做些甚麼，希望大家這九個晚上看到黎明的夜晚也不要忘記我的靈魂，也和大家一起尖叫歡呼！」她又hashtag《夏日傾情》歌詞，果然識做。

黎明除下白色西裝褸時，惹來全場黎太尖叫。

　　51歲鄭秀文（Sammi）自從老公許志安與黃心穎搞出「安心偷食」的桃色新聞後，一直對許志安不離不棄。感情生活向來低調的鄭秀文，昨日（18日）突然在社交平台，分享近日生活照時，疑自爆懷孕，與網民互動對話：「真體貼我這位高齡產婦人士！」，震驚全港。

　　上年鄭秀文確診新冠肺炎，而取消所有工作休息。最近已經回復狀態大勇，復工拍攝廣告，大騷「排骨」身材。而她出席頒獎禮頒獎典禮做頒獎嘉賓時，高貴登場。由於她因患病而取消的演唱會，即將在七月舉行，所以鄭秀文這段時間也正積極做運動，籌備一個精彩的演出。她不時上載跳舞片段，而且曾自嘲，「Mi就算年輕時，記舞步一向不算快，（其實係慢。因為蠢和笨），真係要用九牛二虎之力去記住啲舞步，現在年紀大了，更加慢喔！ 稍有分心就完全記唔到。瞓唔夠就更死。惟有早啲開始進行練習。」

　　當時有人留言勸鄭秀文不用急，就算跳舞環節少一點都不介意，因為大家都只是想多看到她演出就足夠，不料鄭秀文竟然回覆：「真體貼我這位高齡產婦人士！」她突然自爆做產婦，但最大疑問是，鄭秀文連日來都積極上載做運動片段，跳舞、舉重、打拳之類不適用於孕婦的運動，其實她都做齊。

　　當鄭秀文有這個回應時，立即惹起網民熱議，好多人都十分激動，紛紛衝入鄭秀文的Telegram討論區留言：「係咪生咗」、「原來上年係去生B」、「50歲得唔得」，討論了一段時間後，鄭秀文知道自己惹來一個誤會，終於出來解開大家的疑問和內心的好奇。

**更新：最後，鄭秀文在IG出Post指自己把「高齡婦人」誤打成「高齡產婦」，引起誤會。她更指：「Mi冇秘密生B，生肌肉就有，你睇我手瓜仔起輾！」