世事政情

　　【晴報專訊】由王浩信及余香凝（Jennifer）主演的青春片《心裏美》將在明日公映，二人分別飾演補習天王及中學教師，從死對頭逐漸變成戀人，這位兩屆視帝為電影付出120分努力。「今次同我喺電視台演喜劇好唔同，加上係小本製作有教育意義，希望感動觀眾。」浩信的演出成功感動愛女王靖喬，令他大感滿足。

王浩信與余香凝現實中已為人父母，對教育問題亦十分關注。

　　《心裏美》由浸會大學電影學院製作，獲電影界猛人陳果、吳雨等任監製，並起用不少大學生演出，為影圈培育新血。該片探討現今教育制度，剖析親情、愛情及師生情，題材正面。王浩信飾演的學界最強補習天王何Sir，誓要助DSE考生摘下5**。戲中，他的金句「Stars Were Fully Booked，星星任我捉」押韻又易記，故事亦貼地，有望令年輕觀眾產生共鳴。

　　雖然浩信兩奪視帝，但他過往拍電影如《我愛HK開心萬歲》、《撕票風雲》等，戲份不多；今次難得再闖影圈扮演教育界人士，是他從影以來一大挑戰。「睇完劇本覺得好有意思，我第一次扮補習天王，角色自信又識講笑，劇情令觀眾反思教育問題。」他指角色每次授課時如同做騷，令他重拾學生時代補習的回憶，「當年我上過補習名師嘅堂，不過學費貴，就揀平啲學費，隔住電視上堂聽書。」問他可有參考無綫的校園劇？他堅定稱︰「無！始終時代唔同，如果參考舊作就會有前輩影子，我想演一個貼地嘅補習天王。」

二人在戲中分享教育理念，更漸生情愫。（網上截圖）

余香凝投入演父女戲

Jennifer為演好教師角色，特別向中學老師取經。（網上截圖）

　　女主角余香凝則扮演中學教師Miss Lee，她說︰「以前喺電影《非同凡響》扮學生，今次就以老師角度睇教育，究竟乖同壞嘅學生要點教？點樣做一個稱職嘅老師？終於明白為人師表嘅難處。」提到是否熱血Miss，她笑稱︰「我喺戲中教學無方向，靠王浩信呢個補習天王提點，拍攝時佢都幫我入戲。」現實中，她間中跟中學老師聯絡，拍攝前相約見面，乘機偷師，「我嘅中學老師好有心，即使同我哋學生年齡相距大，都可以打成一片，毫無代溝。」至於戲中Jennifer與吳岱融的父女情亦真摯感人，她透露劇情是現實中不少父女的寫照，「我同自己爸爸都係咁，大家都唔識向對方表達愛意，成日嗌交。」

女兒有共鳴最開心

王浩信最開心女兒欣賞他的補習天王角色。（資料圖片）

　　至於浩信與吳岱融則是首度合作，「戲中我哋亦師亦友，我幫Jennifer修補父女關係，佢哋嘅父女情睇到我眼濕濕。」浩信表示其補習天王角色並非純以金錢掛帥，反而有柔情一面，「我個角色好關心身邊人，希望畀到大家窩心嘅感覺，自己演繹追求細致，加上齣戲又係小本製作，有教育意義，我付出咗120分努力，希望感動觀眾。」原來《心裏美》今年初曾舉辦試映會，浩信女兒王靖喬亦有捧場，更代入學生角色，「個女係咁講我喺戲中啲金句，又叫我表演畀佢睇！」難得角色打動愛女，浩信非常感恩，「身為父親，發現演呢個角色，原來可以娛樂個女！」另外，早前浩信演出的內地真人騷反應不俗，工作亦陸續有來，「近兩年拍咗幾齣電影同內地網大（網絡大電影），嚟緊陸續推出，但我會繼續喺香港拍劇，每次演出都盡全力，希望用作品說話！」

王浩信早前與張振朗及高海寧出戰內地真人騷《開播！情景喜劇》。（微博截圖）

　　無線劇集《婚後事》播出以來，收視理想，劇情引發話題不斷，就算播完劇集都仍然有好多人談論。近日劇集演員陳自瑤（YoYo）、賴慰玲（Winki）、黎諾懿和羅天宇，主特節目《香港婚後事》，25日首集播出，就找來男主角羅子溢暢談，大談現實生活中，各位演員的真實感情生活，攞真話嚟講。

　　五人拍劇後成為好友，對談期間可謂暢所欲言。黎諾懿單刀直入，著羅子溢解構與太太楊茜堯姊弟戀背後因由。羅子溢大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」他還分享了兩公婆有爭拗時，他自己會先讓步，而太太則是「瞓醒先算」，他說：「以前都會拗嘅，但而家屋企所有濕碎嘢我唔會理，總之你決定就啱架喇。太太一遇到問題，會話唔好講住，等瞓醒先（處理）。」

　　劇中最大的「出軌」話題，由於陳自瑤多年來都傳與王浩信婚變，所以當節目內，五人延續討論，「肉體出軌」與「精神出軌」的話題，究竟另一半可會接受其中一樣？當黎諾懿一提出這個問題，陳自瑤立即好大反應，即斬釘截鐵謂：「兩樣都唔得！」

　　黎諾懿想反駁只是思想諗一下，陳自瑤立即好認真向他拋出兩條相當尖銳的情境題：「如果你老婆同你一齊，佢不停諗緊第二個男人，你接唔接受到吖？」及「如果你老婆出完軌一次返嚟你度，你接唔接受到？」這個問題立即令黎諾懿苦思，坦言確有一個狀況難以接受。之後，陳自瑤再窮追不捨追問：「如果佢鍾意咗另一個，佢之後返番嚟屋企，但個心都係飄走咗，咁又得唔得？」

　　陳自瑤不是第一次在眾人談論這個話題時，顯得特別認真而且堅持，這次亦不例外，羅子溢原本做和事佬想幫手解圍，不過講了一句說話卻令坐在一旁一直觀戰的賴慰玲反而好大反應大嗌對方殘忍，還坦言擔心有一日會認同他的看法，這一句說話即將在節目內揭曉。

　　五人中只得羅天宇還是單身，他被羅子溢大逼供。不斷追問羅天宇的緋聞，怕醜仔嚇到眼都凸，搞到臉紅。五人還不時再節目內「廝片」，羅子溢不斷玩其他演員，他不斷苦勸陳自瑤：「過去咗喇，唔好再執著個角色喇」。而賴慰玲就衝著黎諾懿來玩：「全公司都知你最有錢」。