世事政情

　　【晴報專訊】胡定欣昨日與譚俊彥（Shaun）出席《最強人氣品牌大獎2022》頒獎禮，定欣最近不停獲獎，事業運強，但感情生活仍然空白，她自言已無開任何擇偶條件，身旁的Shaun安慰她寧缺勿濫，感情事順其自然就好。

定欣與Shaun盼望廣告合約陸續有來。

女人味十足的定欣，笑言會叫朋友介紹合適對象。（IG圖片）

　　譚俊彥與胡定欣昨日分別獲得「最強人氣廣告男、女星」，定欣繼日前在《AEG娛樂人氣王頒獎典禮》獲頒「最佳女演員」後，昨日再度得獎，她笑言算是有好意頭：「我同呢個健康產品合作咗十年啦，好多謝佢哋一直支撑住自己，有健康身體，先令我更專注事業。（想拍甚麼廣告？）我之前拍咗《白色強人II》，所以想拍同醫療、健康有關嘅廣告。」至於Shaun今年成為月餅代言人，廣告內容充滿溫情，問他可會想跟女兒父女檔拍廣告？他說：「等小朋友大啲先，佢哋都係讀書為重。其實之前有廣告搵過小朋友拍，但係我都推咗。」

譚俊彥不心急父女檔搵錢

　　聖誕將至，Shaun表示會帶小朋友到主題樂園玩，定欣聞言即酸溜溜說︰「我都想有人同我去主題樂園玩呀，其實今年我都會同朋友一齊過聖誕嘅，會叫朋友唔覺意帶多啲朋友出嚟介紹下。」提到「金牌媒人」林盛斌（Bob）早前請纓為定欣牽紅綫，定欣笑說：「係囉，都年尾啦，張成績表都仲係零分，咁點算先？」身旁的Shaun安慰定欣，指感情事順其自然就好，寄語寧缺勿濫，定欣苦笑說︰「話晒最強人氣女藝人喎，唉，唔揀都揀咗咁多年，已經去到無條件呀，行出嚟啱就啱㗎喇。」

炎明熹獲頒「最強人氣廣告歌演繹歌星獎」。

　　早前沙田賽事的錦標賽「TVB盃」在沙田馬場盛大舉行，TVB派出大批藝員盛裝出席，包括陳展鵬、譚俊彥、周嘉洛、何廣沛、丁子朗、周吉佩、朱晨麗、高海寧、陳煒及應屆香港小姐莊子璇、王怡然、王敏慈及姜依宁等，而胡楓（修哥）更化身財神，向在場的賓客大派利是，非常歡樂。是日賽事其中第八場1400米是「TVB盃賽事」，大會特別安排TVB高層許濤、曾志偉、蕭世和率領高海寧、陳展鵬及四位香港小姐落去終點位置近距離欣賞賽事。

（大會提供）

（大會提供）

　　高海寧（高Ling）和陳展鵬首次走到沙圈位置，近距離欣賞出賽馬匹出場前的形態，以藍色貼身連身裙示人的高Ling大感興奮，跟在場的人士大談馬匹狀態，更一見鍾情特別睇好11號的「朗朗乾坤」，身旁的馬會行政總裁應家柏就全程細心為她同陳展鵬講解，搞到高Ling愈來愈興奮，好想投注。直至走到終點區，馬會行政總裁應家柏分享三個心水號碼3、9及11，不過就講明11號上次試過在閘口不肯跑，未知今次發揮如何，於是得到「貼士」的高Ling不斷問：「我係咪可以買？但我冇APP喎，點算？好想買喎！」

　　有人建議高Ling搵獎門人曾志偉幫手買，高Ling就拜托曾志偉買11號獨贏同3、9、11號位置，就興奮去睇賽事，見到最終11號繼續不肯跑，但3號「增有」及9號「巴閉哥」真的贏出，特別是3號「增有」在最後直路衝上前贏埋2號同9號，非常精彩！完場後，高Ling興奮以為自己贏家，但曾志偉說：「買唔到呀！買唔到呀！我本身諗住幫你買3、9、11呀，點知撳300蚊之後買唔到喇，佢就開跑喇！真係陰公！」高Ling說：「Yeah！買唔到呀！唔緊要啦！（當）中咗呀喇！」

　　雖然未能寓工作於發個新年財，不過高Ling都一樣開心。而TVB盃頒獎時，冠軍3號「增有」練馬師正正是賀賢，他交由2009年港姐亞軍太太李姿敏在曾志偉手上領過獎盃。而莊子璇將獎盃頒給騎師艾道拿，而對方則送花給莊子璇「回禮」。

（大會提供）

（大會提供）