世事政情

　　【晴報專訊】《萬千星輝頒獎典禮2022》將於下月8日舉行，昨日公布十強名單，分別憑《十八年後的終極告白2.0》提名「最佳男、女主角」的譚俊彥和龔嘉欣，雙雙落馬，令人意外。無緣爭視后的嘉欣昨日上台發言時，哽咽表示︰「無提名唔代表無實力！」而順利打入十強的陳瀅則強調賽制公平公正。

嘉欣（中）上台發言時激動得眼濕濕，身旁的江美儀和蔣家旻反應愕然。(影片截圖)

台下曾志偉和樂易玲卻不為所動。(影片截圖)

　　早前有傳龔嘉欣因公開暗寸陳瀅而得罪高層，其主演的《新四十二章》被抽起。無緣爭視后的嘉欣，只能憑《十八年後的終極告白2.0》入圍「最受歡迎電視女角色」十強，昨日上台拉票時十分感觸︰「我覺得每一個角色喺套劇入面都好重要，無提名唔代表無實力，拍呢套劇嘅時候好大壓力，驚做得唔好影響套劇，我同Shaun（譚俊彥）都係搏到盡嘅人。好似我拍《殺手》斷咗手指尾，到今日仲睇緊物理治療，我隻手指尾永遠都係咁樣。」她哽咽表示一直會留在娘家TVB繼續努力下去。

　　對於未能晉身視后十強，嘉欣受訪時表示沒有失望，談及到台上感觸發言，她稱只是鼻敏感，「近排身體唔係幾好，可能感受會大啲。」問到她身體哪裏不舒服？嘉欣表示︰「心囉，心臟囉，之前拍《新四十二章》個心好痛好痛，都唔好意思講，只係請咗一日假。」她又否認被雪，自爆正傾洽續約，被問到會否趁機以獎項為續約條件？嘉欣則謂︰「有嘅咩？無呢啲嘢嘅，自己只會畀心機做嘢。」

稱「個心唔舒服」

陳瀅坦言對爭視后毫無信心。

　　少了嘉欣這個對手，問到陳瀅會否對爭視后信心大增？她表示︰「從來唔覺得自己有太大信心，總經理（曾志偉）同我哋講，賽果係完全靠投票，非常公平公正，十強係靠投票，可能佢（嘉欣）套劇比較早播？」她又稱昨日未有機會跟嘉欣打招呼，同台亦沒有尷尬，「呢啲是非嘢，我哋大家年紀唔細，唔係十幾歲，唔會玩小學問題。」她又稱與嘉欣合作也無問題。

　　【晴報專訊】陶大宇前日在微博上載與吳啟華、張兆輝拍演唱會海報的照片，原來三位「師奶殺手」將於11月中合體假佛山開騷。大宇接受本報訪問，豪言必唱「飲歌」《倒轉地球》外，又透露三人不止唱歌咁簡單︰「我哋有遊戲、互動同小品劇，開開心心做場騷！」

陶大宇、張兆輝、吳啟華合作開騷，粉絲高呼「回憶返晒嚟」。（微博圖片）

　　三位90年代無綫當家小生，今年初重返無綫任《萬千星輝頒獎典禮2022》頒獎嘉賓，陶大宇、吳啟華及張兆輝的出現勾起觀眾集體回憶，重提他們的角色，包括《刑事偵緝檔案》張大勇、《倚天屠龍記》的張無忌及楊逍；不少網民期待他們合作拍劇，可惜至今未有聲氣。不過，近日他們合體拍攝海報，預告在11月中假佛山舉行演唱會。前日，大宇在微博上載他們拍攝演唱會海報的花絮，只見三人穿上黑西裝，打扮型到爆。內地網民紛紛留言表示準備搶飛，又指「好期待大宇哥的首場演唱會」、「期待倒轉地球」、「建議全國巡演」。

早前華仔開生日派對，大宇和壽星仔「世紀同台」。（資料圖片）

嘆幾十歲人拒騷肌

　　大宇接受本報訪問時，透露三人屆時有不少表演，「我哋又唔係完完全全淨係唱歌，當中有遊戲、互動同小品劇，開開心心做場騷。因為大家都認識咗幾十年，又拍咗咁多經典港劇，想搵個機會當係紀念！」問到三人有甚麼開心回憶？大宇稱︰「以前大家都唔成熟，但又要扮大個，做一啲有型嘅角色。（到時會否騷肌？）大家都幾十歲，而且又唔係真正歌星，唔會騷肌喇！」

　　談及他近年因翻唱劉德華金曲《倒轉地球》而成為網民寵兒，屆時可會再次演繹這首金曲？大宇笑說︰「一定走唔甩啦，到時我哋會唱四、五首歌，仲有啲合唱歌。」大宇早前在華仔的生日派對同台合唱《倒轉地球》，他開心說︰「我好榮幸參與，當時感覺真係好夢幻。」