世事政情

　　【晴報專訊】連詩雅（Shiga）將在今年四月與陳家樂舉行婚禮，待嫁的Shiga前晚現身婚紗展，她笑言因家樂忙拍劇，所以目前由她主力籌備婚禮。Shiga揚言想扮Sailor Moon拍攝婚照，但遭身邊朋友強烈反對。

準新娘Shiga希望以最fit狀態出嫁。

　　連詩雅前晚出席《香港結婚節暨情人節婚紗展》，有指Shiga四月嫁陳家樂，雖然她表示待未婚夫拍完劇及拍攝婚紗照後，才正式公布婚期，但她自爆只剩兩個月時間籌備。她說：「家樂要開工，暫時由我自己搞。我知佢拍得好辛苦，成日要攀山涉水，都有啲擔心，因為驚佢受傷，佢仲有兩星期就煞科，希望順利同安全。」

Shiga大讚陳家樂不時為婚禮給予意見。（資料圖片）

　　Shiga要獨自安排婚禮事宜，但她無發脾氣，反而因此激發「小宇宙」：「喺過程中學識安排成件事，突然覺得自己做生意可能都會唔錯。我都有問其他人意見，以前我成日倚賴身邊人，但婚禮係自己嘅，要自己落手落腳做，好彩我同家樂都有溝通，佢聽完都會畀意見，唔會淨係叫我話事。」

望身材應有則有

　　Shiga仍未落實婚紗款式，又坦言希望再瘦一點，但家樂卻反對，「我依家唔可以太瘦，又唔可以肥，惟有健身同做人手按摩，希望（身材）想有嘅地方有，想無嘅地方就無。」至於婚照，她透露曾考慮搭建沙灘景或露營景拍攝，「我仲諗住用《美少女戰士》主題影相，我扮Sailor Moon，家樂就扮禮服蒙面俠，我仲搵到一件水手服婚紗，不過身邊朋友強烈反對，連家樂都話要諗下，你哋見到家樂幫我游說佢。」

　　連詩雅（Shiga）去年跟陳家樂正式拉埋天窗，榮升陳太不久就火速「造人」成功，現時懷孕7個月時間，原來瘦小的Shiga終於都「見肚」，近日頻頻自拍為自己孕期留記念。早前她分享近照，原來Shiga忍口多時終於「解放」偷飲珍珠奶茶消消暑，認真識歎。

　　Shiga今年2月宣布懷孕的消息，當時老公陳家樂開心之餘，更公開呼籲大家幫忙照顧及看管懷孕中的太太，非常暖心。Shiga佗B七個月越來越穩，除了開始做Gym做運動，為生產做準備之餘，更大膽「犯禁」歎珍珠奶茶打卡分享。在Shiga分享的照片中，驚見她佗B後，上圍變得豐滿，有過往前所未有的「效果」，Shiga留言說：「Cant stop drinking bubble tea too….Less sweet la…#懷孕後特別特別特別鍾意食甜 #但係我明唔應該食咁多 #間唔中少少啦 #咁就7個月啦」不少媽媽級的圈中人都有留言同意，包括倪晨曦和梁靖琪都表示懷孕期特別愛甜，而同樣待產的吳日言由於曾天生胰臟較弱，佗第二胎時不幸患糖尿，須終身注射胰島素，以控制糖尿指數，她留言勸Shiga：「要no sugar 呀！本身珍珠已經好甜。」

　　而不少網友都關心Shiga的健康，紛紛留言勸阻，「唔可以飲奶茶咖～」、「食少少，唔好食咁甜呀，好期待見到你呀BB」、「好靚！奶茶記得走糖啦~要控糖！」、「最好唔好飲呢啲凍飲，啲冰好污糟，一陣送咗李斯特菌就麻煩⋯⋯⋯」、「大住肚飲呢啲唔係太好」、「盡量少喝，珍珠也不健康」、「少喝冷飲呀」等等，但亦有不少人讚Shiga越佗越靚，似乎「陳徹」好錫媽媽喎！