世事政情

　　【晴報專訊】韋綺姍（Rita）獲邀在歌唱比賽《中年好聲音》擔任導師，為追夢的參賽者無私奉獻，分享自身表演經驗。出道40年的Rita跟參賽者「同是天涯淪落人」，皆因她曾為照顧家庭，毅然放棄熱愛的歌唱事業；直至人到中年，才再次圓音樂夢。對她而言，現實與夢想不一定背道而馳，美好的事情總在最適合的時間出現。

　　韋綺姍自小愛唱歌，14歲時參加《無綫電視業餘歌唱比賽》，更在1982年《第一屆新秀歌唱大賽》獲亞軍。她說︰「好開心喺舞台上認識到一大班朋友，特別係識到梅艷芳，佢一開口就好勁，加埋台風，真係好正！」她在家人反對下簽約入行，可惜一直被投閒置散，所以兩年後斷約離開，轉往台灣發展。

　　到台灣發展歌唱事業，對Rita來說求之不得，但同時因思鄉病而影響心情。「起初唔太習慣，連廣東話都未講得好，中文又睇唔明，就飛到台灣，仲要講國語。好彩我第一張唱片銷情唔錯，有機會出第二張，我好鍾意台灣，但住耐咗就覺得寂寞，掛住屋企，完成第一張唱片我已經想走，但宣傳工作要幾個月到一年，唔畀我返屋企。完成第二張唱片之後，我唔想續約，決定返香港，我實在太掛住香港嘅父母、兄弟姊妹。」

做和音意外獲爆紅機會

　　回港後，Rita苦無工作，當時著名音樂監製王利名邀請她嘗試和音，她說︰「我一口答應！只要同音樂有關，我都樂意嘗試。後來我為演唱會做和音，幫過林子祥、彭羚等和唱，呢段時間都幾艱難…無嘢做就要馬死落地行啦，最重要賺錢養家。」想不到和音工作為Rita帶來爆紅機會，當時王利名希望在蔣志光的唱片中加入女聲，Rita先與蔣志光合唱《要走的始終都要走》，再合唱經典金曲《相逢何必曾相識》。「呢首歌流行完再流行，雖然中間被黃百鳴《家有囍事》改成閩南話版本，但仍然係我哋嘅歌。呢首歌為我帶嚟幸運，好多年之後，王祖藍打電話畀我，叫我演出劇集《老表，你好Hea！》，無諗過喺劇中再唱《相逢何必曾相識》，首歌又流行番！」

Rita與蔣志光合唱的《相逢何必曾相識》為廣東歌經典。（網上截圖）

　　推出幾張唱片後，Rita有感年紀大，是時候結婚生子，毅然為家庭放棄事業。由女兒出生開始，Rita已近20年沒有接觸娛樂圈，「好多人問我會唔會覺得可惜？的確…我有！但我要做個盡責嘅媽媽，既然決定生小朋友，一定要處理好佢哋嘅生活，到佢哋長大先放手。」縱然錯過不少機會，但兩名女兒長大後，Rita重拾音樂夢。正好《中年好聲音》邀請她擔任導師，她鼓起勇氣嘗試，「既然參賽者有夢要追，我就盡力幫助，睇住佢哋每位有佳績，我好開心，會繼續教落去。」

Rita獲邀成為《中年好聲音》導師，向參賽者分享寶貴經驗。（受訪者提供）

Rita用心照顧家庭，待兩名女兒長大後，才重拾音樂夢。（受訪者提供）

　　《中年好聲音 2》在周日（17 日）進行最終樂章第二回「決賽前哨戰！歌手助力賽!」，8 強選手聯同 8位歌手合唱，爭奪最終殺入決賽的7強名額。古淖文狀態大勇，獲得95分全場最高分。賽前已有網民預測劉威煌即將會出局，結果如預測一樣，未能成功晉級。賽後於討論區，引起很多支持他的網民不滿，聲討節目不公平，打算罷睇之後的賽事。

　　這集出場名單為：《一樣的月光》安雅希 X 林二汶、《Bad Boy》古淖文 x 谷婭溦 、《煩》劉威煌 x 彭家麗、《浮誇》顏米羔 x 吳業坤、《多得他》陳俞霏 x 王馨平、《我要我們在一起》黃劍文 x 林志美、《That’s why you go away》譚輝智 x 韋綺姍，以及《征服》沈宗賢 x 龔柯允。古淖文和谷婭溦的演出獲得95分，伍仲衡大讚：「你好屬於舞台，你係今屆加埋上屆 One of the most 壓台，點解未畀到 19 分？因為我覺得未夠曳！」陳慧嫻則畀滿分20分，亦笑言：「伍 Sir 你後知後覺啦，我一早話咗佢係巨星嚟。」節目尾聲宣布7 強，名單最終如下（排名不分先後）：安雅希、陳俞霏、黃劍 文、譚輝智、古淖文、顏米羔、沈宗賢。

　　同樣搶眼的黃劍文，與林志美合唱《我要我們在一起》，演出時更解放盤骨晒舞功，甚有舞台劇感覺，同樣被大讚，伍仲衡說：「基本上你唔係唱歌，而係演緊戲，我係覺得你同我心靈講緊嘢，你畀我見到一個全新面貌嘅黃劍文，我好享受成個表演。」黃劍文獲周國豐頒發MVP，周國豐說：「我冇見過你跳舞，但又 OK 喎，完完全全係一個高水準表演。」得到MVP的獎品時，黃劍文表現相當興奮。

　　有人歡喜有人愁，劉威煌與彭家麗合唱《煩》，竟然在準決賽挑戰唱 Rap，可惜最終未能得到評審歡心，伍仲衡說：「有咩理由semi final 試新嘢，你嗰段 rap 係令我更加扣分，唔好喺比賽嘗試唔擅長嘅嘢！」他僅獲 82分，於8強止步。離開電視城獲一班支持者安慰，眾人送花及香檳，大家舉杯暢飲一番。

　　事後他在Facebook貼出感言，在這個比賽旅程認識到很多朋友，而且能夠做自己想做的事：「因為我以前好弱智，唔識去表達，今次可以勇敢地去同佢哋去溝通合作，講一句多謝，都係我其中一個心願。所謂人生苦短，每一個過程都一定係得多過失，今趟我個人認為我真係賺晒，開闊咗我更多眼界，多咗去觀察自己身邊嘅人和事，見到每位參賽者嘅努力付出，趣味相投嘅朋友，大家目標都係做好個節目，無論係乜嘢難關都勇敢去解決問題嘅精神，呢啲並唔係外面可以感受到，一定要係局中先可以去了解同感受。」

　　網民在劉威煌的帖文不斷留言鼓勵，「啲評判唔識欣賞你，我哋永遠支持你」、「攞唔到冠軍不重要，最重要唱歌好聽已oK了支持你」、「Fighting! 加油，威煌表現已經很好，很滿意」、「隊長，你一日仲唱歌，我一日都仲會不離不棄」。亦有不少人留言覺得賽果不公平，在討論區表示要罷睇節目，「冇咗隊長我都唔再睇」、「我都罷睇，造馬造到咁，觀眾都睇見」。

　　至於黃劍文成為這集的MVP，但他的支持者就不太滿意他得到的分數，覺得黃劍文表現出色，奈何卻只得89分，網民質疑陳俞霏 x 王馨平演出《多得他》未及黃劍文一組出眾，反而得90分。而且亦有網民更預測賽果，覺得黃劍文會是第二個周吉佩，有機會爆冷奪冠軍。