世事政情

　　【晴報專訊】MIRROR成員李駿傑（Jeremy）前晚舉行首次個人演唱會，以妖魅王子造型登場的Jeremy，與性感女舞蹈員大跳辣身舞，令「Unicorns（粉絲）」為之瘋狂；本月生日的他獲歌迷合唱生日歌作禮物，感動得在encore時兩度落淚，並鞠躬答謝歌迷支持。

Jeremy全晚跳唱多首歌曲，表現平穩。

　　李駿傑前晚由幾位舞蹈員抬起出場，相當有氣勢，他亦發揮妖氣本色，跳唱多首歌曲，又大唱女團歌，包括韓國女團BLACKPINK及師妹COLLAR的歌曲。當Jeremy獻唱《半》時，與僅穿bra top的女舞蹈員身貼身跳舞，成功炒熱全場氣氛。Jeremy邀得Serrini（梁嘉茵）任表演嘉賓，他大讚Serrini的打扮似足公主，更輕吻女方手背，Serrini搞笑說︰「我哋唔使再拖手喇，我驚被人鬧。」她大讚Jeremy是溫柔的處女座︰「同佢講嘢，佢會一直望住你對眼，有被尊重嘅感覺。」另外，Jeremy特地唱出《全民造星》導師劉美君的歌曲《最後一夜》，向伯樂致敬，事後劉美君在IG大呼感動。

Jeremy直認跳辣身舞感到尷尬。

Serrini與Jeremy合唱《網絡安全隱患》。

　　出道五年的Jeremy感觸說︰「我第一次聽花姐（經理人黃慧君）講開騷，我成個呆咗，以為佢傳訊息畀Jer（柳應廷）但傳錯畀我…我曾經懷疑自己何德何能有呢個機會，希望完騷搵到答案。」本月8日28歲生日的他，獲全場歌迷合唱生日歌提早慶祝，他兩度encore時忍不住爆喊，又向歌迷深深鞠躬說︰「你哋係我今年最好嘅生日禮物。」

完騷後，Jeremy開香檳淋濕身。

眼淺的Jeremy激動落淚。

生意失敗當買教訓

　　Jeremy在騷後受訪，自評表現有80、90分，提到與舞蹈員跳大膽辣身舞，他自言起初有點尷尬，又大爆這是花姐的主意，認為貼近些效果更好。有指MIRROR未能出席今年底的樂壇頒獎禮，他表示要待公司安排，但相信12子都希望出席。另外，提到他與梁業（肥仔）及Jer合資的日本餐廳結業後爆出拖數傳聞，他說︰「當買個教訓。（呢個教訓好貴？）可以賺番嘅，起初以為媽咪會鬧我，點知佢反而安慰我。」

　　【晴報專訊】朱茵昨日到九龍灣出席ViuTV劇集《反起跑線聯盟2》開鏡拜神儀式，相隔十多年沒有拍劇的朱茵，在劇中飾演一名魔鬼老師。被問到是否「魔鬼媽咪」，朱茵形容自己是一名有傾有講的媽咪，又大爆老公黃貫中（Paul）與女兒黃鶯打機時課金。

朱茵表示當黃貫中教女時，自己會忍住不出聲。

　　朱茵、周家怡、梁業（肥仔）及強尼等昨日出席拜神儀式，朱茵今次接拍港劇，主要是被劇本吸引，「導演（劉偉恒）好有誠意，我係一位好嚴格嘅『魔鬼教師』，但好錫學生。」朱茵的女兒黃鶯今年就讀國際學校六年級，她指由囡囡讀幼稚園到小學，她都一手一腳跟進女兒的功課，也跟不少老師傾偈，對演繹角色很有幫助。

黃貫中經常陪伴女兒，父女感情深厚。（資料圖片）

　　問到在育兒方面是否一名魔鬼媽咪？朱茵笑說︰「我係一個有傾有講嘅媽咪，但對於我老公（黃貫中）嚟講，佢覺得我嚴厲，我就覺得佢放任；我重視（女兒）禮貌，自理能力要好，但情緒、功課方面，我覺得係要陪伴。」提到她負責教女，Paul是否陪玩？她說︰「有時我都睇唔過眼，咁鬆嘅，但爸爸教佢，佢又學到啲嘢，我都佩服老公嘅教法。」兩公婆對教女自然有意見分歧的時候，朱茵說︰「爸爸會陪佢一齊打機，點知爸爸會課金，我堅持唔會，但我都會放手，有時係佢同爸爸嘅溝通。」今次出山拍劇，朱茵坦言對女兒感到內疚，「因為我要喺暑假開工，阿囡有嚟探班，係第一次嚟片場探我。」

梁業餐廳執笠當買教訓

　　同場的肥仔早前被爆與柳應廷（Jer）、李駿傑（Jeremy）合資的日式餐廳開業僅七個月便結業，有傳三子負債逾200萬，更被貼街招追數。肥仔昨日回應︰「做生意無話賺梗，今次買咗個經驗同教訓，已經交咗畀律師處理。」執笠蝕了多少錢？肥仔沒有正面回答，只表示︰「記住做生意要自己落場就最開心。（呢個經驗會否太貴？）要記住，要覺得自己搵得番，抱住正能量嘅心態。」

周家怡、肥仔與劇中兒子合照，默契十足。