世事政情

　　前COLLAR成員蘇芷晴（So Ching）自從去年5月宣布退團後，一直都未有在幕前的演出，社交平台大部分時間都是分享她教跳舞班的日常，見到So Ching一直陪伴康復中的男朋友阿Mo（李啟言），不少人都紛紛為So Ching打氣加油。近日So Ching接受YouTube頻道「膠保廢」邀請下亮相節目，跟兩位主持人阿保和Matthew一齊入廚整意粉，過程笑得非常燦爛開心。

　　So Ching製作過程中非常狼狽，似乎入廚經驗不太多，她笑言：「唔知點解煮嘢食要搵我囉？」SoChing試食的時候，主持人阿保更用超近鏡拍攝，搞到So Ching的食相相當嚇人，但So Ching都不介意瘋狂大笑。

（9BoThrew YouTube截圖）

　　試食完畢，節目尾聲時，So Ching都有接受深情訪問，主持人阿保稱見到So Ching開始拍攝YouTube片，問到近況如何？So Ching說：「最近都有Keep住教跳舞班，又準備緊《World of Dance》跳舞比賽，一個國際性少少嘅比賽，但佢每一區都會進行，咁我哋今年就玩吓。」阿保笑言將來荷里活發展，未必再見到So Ching，So Ching口快快回應說：「點會呀？咁我會返嚟呀嘛！」阿保即時笑So Ching已經有十足信心能夠衝出國際，So Ching即時耍手求饒：「死呀死呀，唔好出呀！唔係呀！好大嘅誤會呀！」So Ching表示今年目標無論個人跳舞或者YouTube發展都有所突破，「你鍾意睇就睇，唔鍾意睇就唔好睇！」

（蘇芷晴IG）

（蘇芷晴IG）

（9BoThrew YouTube截圖）

　　So Ching在COLLAR入面一向都相當正面樂觀，面對阿Mo受傷這件大事，她首次回應自己的心路靈程，「主要係因為時間，好老土咁時間會沖淡一切，我以前唔信呀，但呢件事令我覺得原來呢句都幾套用到喺入面。」提到網民的留言，她說：「好老實講，從來冇睇，除非彈到埋嚟，我冇開任何通知，冇乜必要都唔會睇，因為無論留言好與壞都一定牽動到我情緒，但我想自己穩定啲（情緒），同埋呢班人我都唔識佢嘅。（管理到情緒？）某啲情緒一定會有嘅，但大部分都影響唔到我嘅原因，係我焦點唔同咗，搵到自己條路行。」

內容來源：https://www.youtube.com/watch?v=vS-TmTxH65Y&t=1291s

　　《東張西望》何伯事件一出，震驚香港觀眾，他原本申訴仔女私吞他450萬儲蓄，最終卻演變成「提款基2.0」。事件公開後，網民開設「何伯＆何伯老婆關注組」FB專頁，人數已增至接近30000人，除了有人野生捕獲新何太的真實容貌外，亦有網友在小紅書踢爆，原來何伯和新何太已經再次接受《東張西望》訪問。

 

　　「何伯&何伯老婆關注組」FB群組短短2日已經有過萬人加入，期間有神秘人帳號聲稱以何伯「朋友」身分留言要求刪除關注組，否則將採取法律行動，不過聲明一出，群組的人數不減反升，至截稿前已經多達3萬人。早前下午有網友分享拍到兩公婆在茶記恩愛撐腳枱的照片後，再有人拍到他們疑似再次接受《東張西望》訪問的畫面，網友交代照片是前晚拍到，而相中何伯和新何太的衣著跟茶餐廳的照片相若。

　　其實報道出街後，《東張西望》都有大玩改圖和大分析，暗嘲何伯和「珠光寶氣」的新何太，但意外的竟然是兩人竟然願意繼續接受訪問，不過照片中見不到相關的主持人是誰，亦暫時未知內容，但據消息透露，《東張西望》將會將訪問整理及處理，直至今晚播出。而TVB《福祿壽訓練學院》早前大玩CROSS-OVER，阮兆祥和李思捷竟然在《逆天奇案2》大結局的活動現場踩場，扮演「何伯」和「新何太」，由於報道出街後，網友們已經覺得新何太跟阮兆祥有幾份相似，今次「扮嘢」絕對是火速成功「抽水」，非常快捷。

　　見阮兆祥跟李思捷打扮似模似樣，兩人全程十指緊扣，阮兆祥又不時向李思捷撒嬌，被問到為何踩場？阮兆祥說：「老公你講！」李思捷說：「我鍾意睇套劇，套劇晚晚睇，帶佢睇明星...」阮兆祥即時發火：「你用啲用詞好啲啦好唔好，係黐你睇大結局！」連新何太對白都抄到足，認真過癮。被問到身上的珠寶價值幾多，阮兆祥說：「唔好問我啦，我住公屋呀咋，哈哈哈，結婚禮物嚟呀！」兩人進場令現場演員都大為興奮，爭相跟兩人合照，他們向《逆天2》監製劉家豪和梅小青合照後就「快閃」離開，李思捷形容今次行動是「逆天騎劫」，完成拍攝後，兩人即時放開手，工作人員叫阮兆祥換耳環，祥仔說：「一集三對耳環咁誇張？」另外，不少網友留言指今次何伯兩老婆的事件，相信亦為《愛回家之開心速遞》帶來新題材，期待《愛回家》再次抽水，將今次事件加入劇情之中。