世事政情

　　由麥美恩（Mayanne）擔正主持、曾展望做助理主持的清談節目《Mayanne 小喇叭》，每集都會請來藝人傾談鮮為人知的經歷。即將在星期四（11日）播出一集找來林峯和吳卓羲接受訪問講兄弟情。談及相識25年的日子，兩個「麻甩佬」之間的感情笑中有淚。

　　這一集主題為「娛樂圈中真‧友‧情」，眾所周知林峯及吳卓羲 （Ron）都是相識已久的好兄弟，二人相隔多年後再於無線節目中同框，大談昔日往事。 相識長達 25 載的「Ron 峯」，提到相識經過、日常相處兼互爆對方秘密。

　　二人感情要好得感覺像情侶，又像親人，除了每日必定會聯絡對方，更經常互到對方家中過夜。而兄弟情的開始，源於當年林峯主動聯絡跟阿 Ron 約食飯，阿 Ron 亦坦言嚇了一跳： 「佢打畀我嗰陣時我都打咗個凸，嗰時佢已經做《尋秦記》，佢話約我食飯，我就覺得咁奇怪嘅？然後就一步步建立關係。」

　　林峯立即大方向阿Ron 發表愛的宣言： 「鍾意你吖嘛！」林峯透露當年冒昧採取主動全因看到阿Ron 落下男兒淚的感人一 幕，阿Ron 聞言即指自己也是因為錄影這集《小喇叭》才知道林峯當年「睇中」 自己真相。

　　林峯與阿Ron一起合作拍劇，觀眾最難忘二人拍《大唐雙龍傳》雙雙露股一幕，製作組翻播當年這個經典場面，阿Ron 爆料指是臨場應導演要求進行拍攝：「初初劇本冇，佢哋話不如整場令伍姑娘（伍詠薇）尷尬少少（嘅戲），咁佢有咩會尷尬呢？導演就提議除晒，我就問：『出唔出得街呀？除冇問題吖！我哋咁嘅資質，但點樣遮住前面先？」

　　林峯爆料指現場有垃圾膠袋，剪出一個角落來用遮著重要部位，阿Ron笑謂剪的範圍還要鬥大，之後則要使用牛皮膠紙黐實。林峯即大表認同：「黐嗰陣冇問題，搣嗰時大鑊。」說得興起阿Ron自爆搣膠紙時苦況：「要搵！鎅咩？毛咯！我哋互幫大家，現場冇人夠膽幫我哋鎅！」之後他們還透露了不少二人為何會變得生人勿近。

　　除了經典場口，二人還會分享當年在超過五十度高溫下拍攝苦況，林峯一度問監製 「我哋會唔會死」；以及演員及幕後如何在時間緊逼的情況下，靠勁高默契極速 在10分鐘內完成1頁半紙劇本拍攝。

　　另外，製作組再找出阿Ron和林峯昔日於藝訓班及 Dancer 訓練班的青澀樣照片，令現場所有人大笑。不過負責「食花生」的麥美恩，卻被兩位嘉賓戲弄，在宣傳片中，見到阿Ron大爆麥美恩有戀情正在拍拖，麥美恩不斷用雙手撐著眼睛大叫：「我冇，我冇。」不過阿Ron窮追猛打，場面搞笑。

　　鄧兆尊早前作客「田豪祖3寶」Facebook做直播主持，大談近日熱辣辣的娛樂話題，提及翟威廉在一個訪問中自認有海量性伴侶，鄧兆尊表示欣賞他夠坦白，因藝人都是常人有七情六慾。被問到圈中有沒有「大兜亂」的關係，兆尊形容有「炒粉」的情況，亦大爆曾有同劇女演員邀請上門，對方以性感內衣色誘......

　　鄧兆尊跟「田豪祖3寶」YouTube Channel主持曾志豪、貴花田及王耀祖一向老友鬼鬼，每逢有主持放假，鄧兆尊都充當「客席主持」參與直播的工作，由於兆尊經常大爆娛樂圈的秘聞，所以大受網民歡迎。近日，鄧兆尊在直播期間以翟威廉海量性伴侶為話題，他被問到有沒有圈中人主動送上門做性伴侶？兆尊坦言：「點會冇吖？以前有一個同我拍同一套劇嘅女演員，放咗工叫我幫佢整（修理）個漏水嘅擺設，佢話壞咗，可唔可以放工有時間嚟幫佢整？我話好，去到一開門，嘩，喱士睡衣，真係乜都凸晒出嚟咁濟，我好奇怪行入去間屋，點知佢仲同工人講：『鄧生我同佢冇嘢呀，佢嚟整嘢！』我一整完梗係即刻走啦，喺嗰個情景，好明顯係一個局，仲整落去？我唔係何伯呀大佬！」曾志豪和貴花田追問事件的後續，鄧兆尊再爆料：「收尾有人中咗招啦，（有冇手尾跟？）嗰個男人係結咗婚嘅，藝人嚟嘅，我唔知有冇手尾，只知個女星越搬越近個男人屋企。」

　　問到性伴侶是否找藝人會比較安全？兆尊說：「搵藝人大家有保障呀嘛，你唔篤爆我，我又唔篤爆你，但藝人就好難招呼，始終男女都有身分，一線食四線，四線一定受氣。而家出面有好多公關會安排好多嘢，中介有好多著數，唔淨係講錢。試過有女藝人，而家冇做呀喇，當時同我講話想賺啲錢，我答佢搵我都幫佢唔到，佢話：『你不如圈養我啦！』我做唔到呢樣嘢，所以介紹咗畀我朋友，個男仔冇結婚，（你唔要就推畀人？）喂，我冇用過，你有所需，佢有所求啫，撮合咗佢哋，都拍咗拖十幾年，作為同事介紹畀佢，而且對方單身，呢樣我覺得冇問題。」兆尊表示圈中「玩家」通常有樣睇，「單身未必係爛玩，通常結咗婚先爛玩，最高（手）係出去玩，話畀人知已經結咗婚呀喇，仲曬手機啲仔女相，所以出去做咩，人哋都唔會追究你，令人唔好有憧憬以為可以做女朋友。」