加入最愛專欄  收藏文章 

2024-05-07Text: 娛樂組

蔡潔暴雨揸車水浸被困要消防員拯救!嚇到爆喊靚車全毀:最緊要係大家都平平安安

  香港近排連日暴雨,西貢及將軍澳區多處嚴重水浸,由於TVB電視城處於將軍澳工業村,不少仍然冒雨上班的藝人都面對水浸的問題。港姐冠軍謝嘉怡當日分享紅雨下揸車被圍困的情況,原來她鏡頭前方被水浸住半個車身的車主,正是蔡潔本人。蔡潔分享被雨水圍困的事,情況嚴重到除了座駕宣布「Total Loss」之餘,更要求助消防員才能安全離開現場。

 

 

  蔡潔在IG留言說:「我架小白光榮退休啦!我會記得開住你到處走嘅日子,多謝你陪住我返工放工,唔開心嘅時候會匿埋係你度聽歌聽幾個鐘,你又車過我好多巨星朋友,同埋爸爸話我知,前兩日你仲上埋央視新聞,威過我啊!再見啦!之前的日子感恩有你。那天回到公司已經喊到豬頭咁,好多謝所有慰問我嘅朋友,同埋樂小姐,大家都好熱心咁睇下有無嘢幫到我,人間有愛!尊san拯san話,因為你架車救咗後面無數架車啊!如果真係咁樣,都總算值得啊,多謝拯救我的消防員哥哥,你們辛苦了!劇組廷哥,唔好意思我當時完全已經語無倫次,多謝拖車哥哥同埋車房的朋友。最後,過咗兩日先回到魂,多咗一種人生經歷,同埋最緊要係,大家都平平安安。」的確,蔡潔的座駕及隨後的一架白色七人車被困後,後面的車輛被逼停駛,同時都免陷入水浸當中,重看蔡潔和謝嘉怡的照片及位置,相信謝嘉怡被困時拍攝到的被困前車正是蔡潔的座駕,謝嘉怡才能逃過一劫。

 

 

  在蔡潔分享的多條影片中,她當時正正身處環保大道向電視城的方向,但水浸位置已經浸至半架車身,座駕死火,而她亦被困,最終要消防員救她出來。蔡潔難捨愛驅,不忘拍拍它的車身道別,而她分享當日自拍片段,她說:「記錄一下我好樣衰嘅狀態,呢啲唔係呀,呢啲係傷(傷妝)嚟呀咋。」然後她眼濕濕又索鼻續說:「好殘,因為拍緊戲,個戲個妝都係咁殘,今朝經歷咗令我好傷心嘅事,所以其實我喊咗好耐,就係我今朝架車Total Loss咗喇...喺暴雨當中,喺返工嘅路上。我真係覺得好可憐呀!但係…而家架車已經冇喇...都係要Move on啦,大家都安慰我話好啦,之後可以揀部新車,都係一件好事。」

 

 

etnet健康網購 | 6月限定優惠【送:明目藍莓精華36:1】乙樽► 火速行動

更多娛樂情報文章
你可能感興趣
#暴雨 #將軍澳 #TVB #電視台 #西貢 #蔡潔 #演員 #晴報文章 #謝嘉怡 #娛樂 #消防員 #影視娛樂
編輯推介
即時報價
全文搜索
Search
最近搜看
大國博弈
貨幣攻略
More
Share