2019-03-06
鄭嘉穎封囝囝做「皇上」
【晴報專訊】鄭嘉穎與老婆陳凱琳的愛情結晶品鄭承悅(Rafael)上月出世,榮升爸爸的嘉穎隨即成為「愛子狂魔」,讚自己的BB最得意。昨晚嘉穎現身中環酒會,大談湊仔點滴,又爆小Rafael原來是奀皮仔。
鄭嘉穎
鄭嘉穎昨晚出席攝影師Markus Klinko展覽前預覽酒會,問嘉穎做了爸爸有何感覺?他即展露笑容,開心說:「總之(生仔)過程歷歷在目,我第一次入產房,無諗過成個過程興奮得嚟又輕鬆,麻醉師仲問我哋想聽咩歌,不過剪臍帶原來比想像中韌,見到BB出嚟,好自然就眼濕濕,好開心有個健康BB。」
小Rafael獲讚十分靚仔。
嘉穎形容BB是「奀皮仔」,十足「皇上」一樣,他笑說:「BB要乜就要畀佢,塊尿片濕少少就要換,試過一日換17塊片;食奶又係一叫就要食,我已經清楚晒同佢嘅溝通方式。不過佢未試過『斟茶』(瀨尿)畀我,因為除咗塊尿片會即刻用手遮住佢個何B仔。」他表示現在有五個人照顧BB,故他在陪月期間過得十分充實,提到太太陳凱琳坐月期間已外出工作,會否覺得她「不聽話」?他笑言夫妻之間要互相尊重。
徐冬冬尹子維陷冷戰
徐冬冬自爆曾往美國拜會尹子維父母。
同場的內地女星徐冬冬,早前被拍得與男友尹子維在街上爭吵,昨晚徐冬冬承認與男友的確曾發生爭執,彼此已一段時間沒通電話,目前處於冷靜期。但她強調二人之間沒有第三者,將來會否繼續發展,仍需看緣份。
轉載自: 晴報
【與拍賣官看藝術】常玉作品屢創天價,背後其實藏著跌宕起伏的人生► 即睇