錄影《流行經典》開金口 陳梅馨心郁郁復出拍劇

　　【晴報專訊】已離開無綫24年的前藝人陳梅馨，前晚與黎瑞恩、吳浩康等錄影音樂節目《流行經典50年》。她自爆在節目中初試啼聲唱《風雨同路》，如果遇到好劇本，不介意再拍劇過戲癮。

港姐出身的陳梅馨，在90年代曾經與溫兆倫拍拖。

　　久未露面的陳梅馨現年51歲，身形依然纖瘦，近乎零走樣。她笑言為了今次復出，除了練歌外，還積極減了十多磅，並受朋友鼓勵，於是膽粗粗答允開金口：「我本身鍾意唱歌，首次喺熒幕前唱歌有少少緊張，三、四個星期前已開始練習唱《風雨同路》。」

　　陳梅馨曾經拍過經典系列《壹號皇庭》，問到無綫可有找她復出拍劇？她續稱︰「未有人搵我呀，如果遇到好劇本，我又駕馭到嘅角色都想試下。（仲有戲癮？）有時睇電視都會諗，呢個角色換轉係我會點演呢。」在淡出娛樂圈期間，陳梅馨經營飲食生意，她慶幸疫情未算影響太大。至於感情方面，目前是單身的她，坦言已過了渴望結婚的階段。

黎瑞恩排舞台劇似返工

黎瑞恩即將首度演出舞台劇，心情緊張。

　　黎瑞恩透露現時忙於綵排馬浚偉的舞台劇《男人40 CEO》，首次演出舞台劇的她形容︰「日日好似返工咁，有時由夜晚7點綵排到11點，無晒朋友，不過媽咪同囡囡生日，佢哋都畀我放假。」她坦言心情緊張，比其他人花多一倍時間排練︰「我最擔心係唔記得對白，嚟緊唔畀睇劇本綵排。」提到近日疫情反覆，問她可擔心影響公演日期？她透露馬浚偉已有兩手準備，如果九月未能如期舉行，就會順延一年內演出。

轉載自: 晴報

樂本健【秋日開倉26 - 27/9】保健品低至$20！► 火速行動