【晴報專訊】無綫近年鬧小生荒，早前《晴報》獨家披露今年初離巢的敖嘉年，將會回巢與監製潘嘉德合作，不但升呢做男主角，更與備受力捧的王灝兒（JW）拍劇。等足22年終於擔正的敖嘉年，前晚表示本月正式為新劇開工，雖然未有直認做男一，但他開心指TVB一直給他不少機會，令他相當感恩。

 

蔣嘉瑩（左）十分享受開Live唱歌，又可與不同歌手合作。

 

　　敖嘉年與歌手蔣嘉瑩前晚出席《星級靚聲演唱廳》直播音樂會，二人初次見面即在音樂會中合唱，獻唱陳百強及張國榮的歌曲。他們互笠高帽，敖嘉年表示有聽對方的歌，雖然蔣嘉瑩表示看過敖嘉年的劇集，但卻講不出劇名，令她一臉尷尬笑說：「我成日喺電視見到嘉年，啲劇多到數唔晒。」敖嘉年即打圓場說：「我自己拍完啲劇都成日唔記得！」

 

敖嘉年離巢未夠一年，已獲無綫力邀回歸拍劇。

 

　　提到本月回娘家無綫拍劇，敖嘉年表示以部頭合約形式接拍，有指他初嘗男主角滋味，他沒有正面回應，只吞吞吐吐說：「都唔係嘅，今次好開心佢哋（TVB）搵我返去。」等足22年終於做男主角，他笑說：「我永遠都等緊㗎啦，依家都仲等緊。」

 

感恩受力捧

 

JW簽約星夢後，即獲力捧做劇集女主角。

 

　　有指新劇由剛簽約星夢的JW做女主角，敖嘉年說：「我都未清楚，因為演員成日有變動，不過我好鍾意JW嘅歌，佢有一首歌喺我電話入面，成日播㗎。」他透露明年三月會拍另一部無綫新劇，所以現時積極操肌：「我都唔後生，唔係十幾歲，操肌要較長時間，預半年差唔多。（感受到無綫的重視？）以前都好好，一直以嚟公司畀好多機會，我好感恩。」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情