初入行不擅表達 方力申：人哋以為我好寸

　　【晴報專訊】方力申前晚以退役運動員學長身份，分享由運動員轉型做藝人的經歷。向來風趣幽默的小方，原來初入行時不擅辭令，不懂答問題而被誤會態度囂張，結果花了六、七年時間才適應娛圈生活。

方力申指運動員退役後轉型做其他工作，一時間難以適應。

　　方力申前晚出席《香港運動員就業及教育計劃嘉許典禮》，與學弟學妹分享結束運動員生涯後的路向。小方笑說：「啱啱由運動員轉型做幕前嗰陣，好多時唔識答問題，被人話我好寸好囂張，其實我只係內向，唔識用言語表達自己。」

　　小方坦言入行六、七年後，直到與鄭中基及梁漢文主持《美女廚房》時，看到他們的現場執生能力，才真正「開竅」，學會要放鬆心情，才能對答如流。他說：「以前做運動員，做嘅嘢都係實事求是，但做藝人係完全唔同，要學識點樣同人溝通、相處。」中途有否想過放棄做藝人？他說：「無諗過放棄，只係提醒自己要快啲改善，唔係會被淘汰。」

蝕住重開游泳班

方力申教小朋友游泳甚有滿足感。

　　另外，小方的游泳學校因疫情暫停營業三個月，小方指政府局部開放泳池後，現時已有限度復課：「開番泳班我仲要蝕錢，不過見到小朋友再返嚟泳池，真係好開心，有啲小朋友仲肥咗好多。我都好彩有partner一齊共患難，總算捱過最艱難嘅時期。」他表示已申請政府「補就業」計劃，希望有更多資助。

轉載自: 晴報

【你點睇】的士記分制將於周末生效，你認為該制度可否幫助的士提升服務質素？► 立即投票