升呢男主角大個仔 周嘉洛預告與陳瀅親熱

　　【晴報專訊】「安仔」周嘉洛早前暫別處境劇《愛•回家之開心速遞》，正式升呢成為古裝劇《痞子殿下》男主角，與女主角陳瀅更有親熱戲份。不過有福利亦有犧性，周嘉洛拍攝期間不時捱打，但意外誤傷陳瀅俏臉。

 

周嘉洛與陳瀅在劇中經常鬥氣。

 

　　周嘉洛、陳瀅、王灝兒（JW）及朱敏瀚等，昨日以古裝造型出席《痞子殿下》開鏡拜神儀式。周嘉洛與陳瀅飾演歡喜冤家，陳瀅說︰「我本身係公主，因為國家以女權為主，睇唔起男人，所以成日對周嘉洛動手動腳。」周嘉洛笑說︰「我唔夠陳瀅打，所以用智慧抑制佢。不過有場對打戲，我拍大頭嗰陣錯手打落陳瀅塊面，搞到佢塊面腫晒，我一直愧疚到依家。」陳瀅笑言當時超級痛，未來三個月拍攝時會找機會報復。

 

被周嘉洛打腫面的陳瀅揚言一定報仇。

 

　　二人更預告有親熱戲，但因為《痞子殿下》是喜劇，所以就算親熱都以搞笑為主。陳瀅早前在《伙記辦大事》中與馬德鐘在泳地中親熱，她笑說︰「今次場戲會誇張過落水，我哋有好親密嘅接觸，人同人之間嘅距離好近。」

 

JW保住熒幕初吻

 

JW與朱敏瀚共譜「長短腳之戀」。

 

　　同場的王灝兒與朱敏瀚在劇中演契兄妹加情侶，朱敏瀚大讚JW︰「以前覺得JW好cool，但原來佢好可愛、好有能量，有佢喺現場好開心。」第一次拍古裝劇的JW表示笑點太低，經常忍不住笑而NG︰「不過我拍嗰陣無講咗英文，反而周嘉洛同陳瀅試過口快快講咗sorry。」問JW可有獻出熒幕初吻？她即說︰「無呀，呢套劇我哋係puppy love，所以唔會有親熱戲。」而朱敏瀚透露幾乎集集要除衫曬肌︰「依家每日都要脫水，大熱天時唔可以成日飲嘢真係幾辛苦。」

 

轉載自: 晴報

• 

【與拍賣官看藝術】常玉作品屢創天價，背後其實藏著跌宕起伏的人生► 即睇