《誇世代》大熱 陳豪盼同李佳芯齊攞獎

　　【晴報專訊】台慶劇《誇世代》即將大結局，不少演員被視為視帝、視后大熱門，日前被太太陳茵媺睇好封視帝的陳豪（阿Mo），直言希望與劇中的老婆李佳芯（Ali）一齊贏獎，一次過多謝戲內、戲外兩個老婆。

 

李佳芯和陳豪坐在快艇出場，相當有氣勢。

 

　　陳豪和李佳芯昨日出席腕錶品牌新店揭幕禮，並由森美擔任司儀。阿Mo和森美在《誇》劇中的「HeHe」形象深受觀眾歡迎，當三人拍照時，森美刻意企在阿Mo身旁，又輕輕搭着他的肩膊，森美更笑言︰「阿Mo今次左右逢源呀！」

 

「第三者」森美（右）輕搭陳豪膊頭，場面十分搞笑。

 

隔空祝張繼聰牛一

 

　　事後，阿Mo受訪時笑謂︰「話晒一齊拍咗50集，有晒默契。」談到劇集已進入尾聲，會否依依不捨？他坦言一個劇的完結，正代表另一套新劇推出，其實都是開心事。另外，他提到雖然張繼聰因其公司和無綫之間的官司而「中途離場」，然而劇中演員仍力撐阿聰，昨日是阿聰生日，阿Mo透露全組演員都在群組中跟他祝賀。問到會否吃飯慶祝？他說相信會有人安排。

 

想台上多謝兩個老婆

 

森美（右）不時在網上曬二人親密合照，非常入戲。

 

　　提到太太陳茵媺睇好他再奪視帝，對此阿Mo表示高興，同時也力撐Ali奪視后。「佢係我劇中老婆，當然支持佢。」至於Ali也表示睇好「老公」阿Mo贏視帝。「拍攝前估唔到對手可以帶嚟咁大衝擊，所以真係好希望阿Mo得獎。」倘若一齊得獎豈不是更圓滿？阿Mo笑言︰「唔敢諗，如果一齊得獎當然最好，可以公開多謝戲內、戲外兩個老婆嘛！」

 

轉載自: 晴報

• 

【與拍賣官看藝術】常玉作品屢創天價，背後其實藏著跌宕起伏的人生► 即睇