周慧敏瞞倪震開騷

　　【晴報專訊】周慧敏（Vivian）為慶祝今年入行30周年，決定相隔7年再踏紅館舞台。但原來這次開騷，她事前並沒有與老公倪震商量，直至入紙成功申請檔期才告知對方！Vivian表示希望趁50歲之齡，可以做到的都盡量去做，畢竟可能每件事都是最後一次。

 

Vivian雖然已50歲，但依然明艷照人。

 

　　周慧敏紅館騷將於明年1月26至27日舉行，昨日記者會上宣布加開28日一場及公開新海報。海報中，Vivian戴上頭紗及一枚由汽水罐拉環製成的戒指，她表示海報設計出自林海峰（Jan）手筆。「起初我都覺得好得意，以前鍾意扮穿婚紗、扮戴戒指，呢啲都好似慳妹，阿Jan係《大時代》忠實粉絲，每句對白佢都記熟。」Vivian又感謝古巨基出任總監，以及她的經理人、古太Lorraine的付出。

 

Vivian海報上的拉環戒指，懷舊味甚濃。

 

美少女戰士再合體

 

　　另外，問Vivian會否邀請王馨平和湯寶如「美少女戰士」合體重現舞台？Vivian坦言原本想賣關子，但又不想太草率，所以6月已邀請兩人，她們都一口答應，那老公倪震又會否上台？她笑言︰「上次開騷，佢突然上台已經好大驚喜，今次佢唔阻止我開騷，已經好開心，其實今次我成功申請檔期先話佢知，佢成日擔心我會有壓力，所以我一定要應承佢Enjoy個騷，而且我都50歲，唔知仲會唔會有下次，始終好多工作對我呢個年紀嚟講都係倒數，所以做得一次得一次，魄力唔係經常有。」

 

粉絲很期待由王馨平和湯寶如組成的「美少女戰士」重現舞台。（資料圖片）

 

轉載自: 晴報

• 

【你點睇】本港主要銀行跟隨美聯儲減息，你對樓市前景有否信心？► 立即投票