【晴報專訊】錢嘉樂首次執導新片《黃金兄弟》將於九月在港上映，嘉樂早前率領一班好兄弟︰鄭伊健、陳小春、謝天華及林曉峰，一齊拍攝電影主題曲MV，他更爆料指小春本來想爭住獨唱主題曲。

五兄弟20年後終在大銀幕上重聚。

　　相隔五年再合體拍攝MV，他們合唱廣東話版《一起衝一起闖》及國語版《一起來一起走》。嘉樂稱小春曾經想過獨唱主題曲，當聽過Demo後才改變主意。小春事後解釋：「一聽到陳光榮寫嘅旋律同歌詞，唔使再諗，一定係我哋五個一齊唱先得，太正啦！」

早前為電影到內蒙古拍外景。

　　五兄弟拍MV，經常勾起昔日片段。林曉峰最難忘兄弟飯聚，「我哋識咗廿幾年，但各有各忙，齊人約出嚟食飯唔多過三次，因為今次拍戲去咗內蒙古、黑山、匈牙利、日本、台灣等好多地方，幾乎餐餐都一齊食飯。」謝天華卻扁嘴說︰「我最難忘去黑山囉，因為我無份！」嘉樂坦言一直都想去古蹟拍攝，黑山正是首選，幸好曾志偉的好朋友借出在當地開設的六星級酒店拍戲，嘉樂更笑言︰「炸得好過癮！」

槍戰飛車有驚無險

　　《黃金兄弟》故事不乏冒險陣容，配合火爆武打、激烈槍戰及極速飛車場面，演員難免受傷，幸好有驚無險。伊健開工幾天就受傷，小春亦有腰傷，有段時間不能躺著要跪在地上紓緩痛楚。嘉樂坦言心痛又感動，小春笑說︰「見係你咋，平時我一早走咗，唔拍㗎啦！」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情