【晴報專訊】將於明年二月開紅館個唱的鄭中基（Ronald），昨日舉行記者會公布售票詳情。為打擊黃牛黨，大會宣布個唱門票正式發售首日（即今日）不設售票處賣飛，只提供網上及電話購票，翌日才恢復現場購票。

鄭中基搞笑呼籲歌迷屆時準備定利市派給他。

　　鄭中基昨日舉行《鄭中基One More Time世界巡迴演唱會——香港站》記招，爸爸鄭東漢、太太余思敏及細仔鄭梓仁（Evan）一家大細現身撑場。Ronald將由年三十晚唱到年初四，中間年初三休息，合共演出四場，他說︰「上次連續唱四場，搞到聲沙，所以年初三要休息。」不過他暗示有機會加開年初五一場︰「咁要視乎工作人員拆台快唔快，如果攝到期都只會係年初五。」

　　為了樂隊位置及與觀眾交流，Ronald堅持不開四面台，改開鑽石台，以容納更多觀眾。談到售票情況，Ronald表示今次已減少內部認購門票數量，又謂得悉「黃牛黨」猖獗，他希望樂迷能在安全情況下買到門票。問他可有孭上一身「飛債」？他笑言已交由老婆及同事處理，自己連電話都不敢接聽。

囝囝爆喊即呵番

鄭中基一見兒子即慈父上身，笑指囝囝喜愛黐住他。

　　訪問到尾聲時，現年三歲的Ronald囝囝梓仁突然走到Ronald身邊，誰知Ronald即講「拜拜」，令慘食檸檬的梓仁跑開爆喊。Ronald嚇得即飛撲安撫囝囝，又抱住他繼續做訪問。問梓仁會否與家姐梓喬上台唱歌？他即搖頭表示不要；問他跟爸爸一起跳舞？他即點頭答應。Ronald笑說︰「阿仔遺傳咗爺爺，鍾意彈結他同跳舞，但唔係咁鍾意唱歌。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情