【晴報專訊】黎珈而（前名黎姿）昨日於中環主持卓珈控股主板上市儀式，身兼集團執行董事、主席兼行政總裁的她，把公司業務打理得頭頭是道。雖然她承認對演戲仍有心癮，但目前專注家庭和美容業務，根本沒時間重返幕前。

 

GiGi已成為一位商界女強人。

 

　　GiGi的醫學美容業務由創板轉到主板上市，她會見傳媒時，臉上難掩興奮心情。她透露父母、弟弟黎嬰也有現身支持，GiGi說︰「屋企人嚟晒，好感動，一家人好支持，佢哋係我嘅精神支柱，多謝佢哋咁多年默默喺背後給予不同意見、支持同鼓勵我。」GiGi更表示弟弟同樣感動，並希望把弟弟對專業醫學美容概念發揚光大，希望大家都擁有自信與最美狀態。

 

　　問到會否一家人慶祝？GiGi說︰「都係食下飯，而家開始上主板，對集團係起步點，我哋仲有好多發揮嘅空間。」家庭與事業的時間如何分配？她笑說︰「一半一半，一日24小時除咗幾個鐘瞓覺，一半係畀屋企人，一半係公司，非常充實。」

 

老公感肉赤

 

　　既然忙於打理生意，三個囡囡可有投訴太少時間陪伴？她笑謂︰「都有少少㗎，成日捉住要我陪佢哋玩。噚晚喺屋企預備時，佢哋以為我考試，因為書枱上有好多文件，我同佢哋講我一樣要做功課，勤力讀書先有好成績。」

 

手上的巨鑽相當耀目。

 

　　至於老公馬廷強見太太辛苦，也相當肉赤，更不時叫她多休息。傳媒其後再問她現在還有沒有戲癮？她坦言︰「都有掛住演戲嘅，畢竟拍咗20幾年戲，但依家真係無時間，工作家庭都好充實，無打算重返幕前。不過，偶然會懷念我嘅演藝工作。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇