【晴報專訊】譚俊彥、胡定欣、黃子恆及姚子羚等昨日宣傳劇集《包青天再起風雲》，與現場一班小朋友玩遊戲，譚俊彥笑言想培養現年四歲的女兒睇靚仔，但又擔心女兒鍾情「展昭」張振朗，心情相當矛盾。

 

譚俊彥及胡定欣對梁舜燕離世感惋惜。

 

　　譚俊彥與胡定欣昨日與一眾小演員大玩遊戲，譚俊彥表示囡囡譚晴對現場一位男小演員特別傾心，每晚睇劇時也留意對方。問他是否已為囡囡揀男朋友？他笑說︰「咁我都要培養佢睇下靚仔，不過如果佢暗戀張振朗我仲驚，因為之前拍劇嗰陣，囡囡打嚟唔係搵我，竟然係搵張振朗！所以我唔會畀佢哋見面，仲有何廣沛都唔可以見。」

 

張國強大讚夏萍姐是值得尊敬的藝術家。

 

　　提到同劇的藝人梁舜燕（Lily姐）離世，譚俊彥說︰「其實Lily姐拍呢套劇嗰陣身體已經唔太好，希望佢一路好走。」胡定欣曾與Lily姐合作多部劇集，包括《城寨英雄》及《同盟》等，她大讚Lily姐相當敬業，即使拍劇拍到半夜亦沒有微言。另外，資深演員夏萍日前亦離世，張國強表示當時特意趕回港陪對方走最後一程。他坦言心情仍未平復，但見夏萍姐走得安詳，總算感到安慰。他表示夏萍姐的契仔林家棟會打點一切後事，演藝人協會也會協助。

 

黃子恆自爆患驚恐症

 

黃子恆表示自己的病情不會影響工作。

 

　　同場的黃子恆日前於網上自爆健康出問題，他昨日表示︰「其實我有驚恐症，依家好多都市人都有情緒病，有時仲會唞唔到氣、心跳加速，又頭暈同標冷汗，醫生話無藥根治到，只開咗抗抑鬱藥同鎮靜劑畀我。」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情