2019-10-25
真傻定扮懵? 劉佩玥自爆被大話男呃
【晴報專訊】劉佩玥(Moon)前晚與林盛斌(Bob)、翟威廉及張美妮等,為遊戲節目《娛樂大家》任嘉賓。Moon笑言小時候常講大話,誰知長大後竟曾遭追求者欺騙,幸好自己明哲保身,沒有跟對方拍拖。
劉佩玥一提緋聞男友周志文,堅稱大家只是好友。
第二次上節目做嘉賓的劉佩玥,笑言要再玩「宮廷狼人殺」遊戲一雪前恥。她笑言玩遊戲要聰明一點,但平日自己相當坦白︰「都唔係依家呢個年紀先講大話,細個就會呃下媽咪,我以為自己講大話好叻,但媽咪一眼就睇穿。」
問她有否試過講大話呃男仔?她笑說︰「我畀人呃就真!試過有個追求者,我有次搵唔到佢,唔知佢去邊,佢解釋話瞓覺瞓咗70幾個鐘,當時我都信。之後同媽咪講,佢問我真傻定扮懵,定係好鍾意佢,我諗下覺得個男仔存心欺騙,所以無一齊。」問到緋聞男友周志文可有欺騙她?她說︰「我哋係好朋友,佢無必要呃我,唔需要呃來呃去,總之有好消息會通知大家。」
吳若希囡囡遇交通意外
吳若希表示女兒在意外當日受驚,所以沒有上學。
同場的吳若希透露老公Alex日前開車送囡囡上學時,遇上三車連環相撞意外,幸好沒有受傷。她說︰「囡囡當然好驚同喊,但好彩無事。老公好鎮定咁打嚟同我講sorry同報警。」她表示座駕有損傷屬「錢財身外物」,只要人沒事便可,老公則改為帶女兒搭公共交通工具上學。
轉載自: 晴報
【你點睇】的士記分制將於周末生效,你認為該制度可否幫助的士提升服務質素?► 立即投票