【晴報專訊】今年關心妍（Jade）重投歌手身份，舉行入行18年首次內地巡唱《Touching Moment Concert Tour》，繼7月廣州首站後，12月28日將在東莞舉行第二站。Jade希望明年在港開騷，為巡唱畫上完美句號。

關心妍考慮帶同囡囡心心到其巡唱東莞站。

　　曾兩度踏上紅館的Jade，每次開騷前都會操到自己最fit，她為今次巡唱操fit到96磅，日前到東莞舉行演唱會記者會，Jade揀一條高衩長裙給歌迷驚喜，但她自爆之前老公楊長智陪她fitting時投訴︰「（個衩）太高喇！會唔會太性感呀？」Jade只好漏夜把高衩縫多兩吋，老公才點頭！

Jade將與七位音樂學院的學生合作，為「妍亮生命慈善基金」舉行音樂會籌款。

　　巡唱第二站，Jade邀請了一位神秘嘉賓合唱，她說︰「呢位係音樂才子，為我作過歌，新歌《時刻》佢都有份參與。」東莞站後，她就要準備佛山站，明年三月更會走訪澳洲和美加，Jade期望巡唱尾站能返到香港舉行，事關距離上次紅館騷已逾七年。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇