2019-11-25
讚Gin Lee睇得又唱得 陳潔靈自嘲似陳年米酒
【晴報專訊】陳潔靈(Miss Chan Chan)、李幸倪(Gin Lee)及李彩華,近日錄影ViuTV音樂節目《Chill Club》。Gin Lee以性感低胸裝現身,陳潔靈表示︰「我哋一個七彩繽紛,一個性感誘人。」
Gin Lee(右)指陳潔靈給予她不少意見,獲益良多。
Miss Chan Chan、Gin Lee屬不同年代歌手,但同樣擁有一把靚聲,問兩人可有興趣合作開音樂會?陳潔靈笑指可能要上山閉關兩、三年才可以,她解釋︰「係可以同Gin合作,大家用自己嘅心態同風格,好似外國歌手,唔同時段歌手唔會作比較。唔同年代歌手等如唔同年代嘅酒,Gin係辣嘅,好似威士忌、Vodka,我可能係煮餸嗰啲陳年米酒。」
提到Gin Lee的露膊裝非常性感,Miss Chan Chan即笑謂︰「我雖然着得似秋天,但心境係夏天。我呢啲係『阿姐』,係將件衫拉到上頸嘅『阿遮』!」
李幸倪自認惡女
陳潔靈在《全民造星II》聽過Gin Lee的歌聲,對其歌藝讚不絕口︰「唱歌咬字準,打扮夠性感。」Gin Lee獲前輩誇獎,表現尷尬,但她表示︰「外界有啲人覺得我好惡,我只希望大家好,有時睇到啲人唔認真又毫無準備,連你自己都唔care個表演,觀眾又點會去care你呢?」
聞舊愛林峯婚訊,李彩華先愕然,後恭喜。
轉載自: 晴報
【你點睇】本港主要銀行跟隨美聯儲減息,你對樓市前景有否信心?► 立即投票