加入最愛專欄  收藏文章 

2019-12-12

兒子偷睇《多功能老婆》 千嬅爆Torres問點解多個仔

  【晴報專訊】台慶劇《多功能老婆》已播映到一半,女主角楊千嬅昨天終加入大隊為劇集宣傳。千嬅表示兒子Torres都有偷偷地捧場,但不明白為何媽咪有兩個老公,更發現有個兒子「佳佳」,千嬅為此要解釋一番。

 

千嬅露口風希望有機會再拍劇。

 

  《多功能老婆》一眾演員楊千嬅、黃浩然、陳煒、黃錦燊及黎燕珊等,昨日在宣傳活動上大玩「愛情升級戰」。黃浩然在劇中飾演拋妻棄子的尚劍雄,被全城封為「新一代賤男」,他在台上笑言︰「其實我老婆都驚緊,佢話:『乜你個人可以咁?』」

 

總監製陳寶華(右二)送上「浩然牌坊」,力證黃浩然本身很錫老婆。

 

  千嬅表示早前忙於進行巡迴演唱會,返港後已連續追看多集,她說︰「拍呢套劇有另一種感受,夫妻關係令我好感觸,我心想呢個女人(其角色藍飛)都幾強大,現實生活嘅我無咁大勇氣,角色同自己性格反差很大,可以過足戲癮。」

 

尚劍雄拋妻棄子,不少觀眾為藍飛的不幸而落淚。

 

  千嬅的真假兒子Torres與飾演佳佳的阮天寶,兩人同樣今年七歲,千嬅坦言Torres都有點睇唔明劇情,「佢最唔明就係劇入面有個仔『佳佳』,佢好奇怪咁問媽咪點解有個仔,仲有兩個老公,我已同佢解釋清楚。Torres試過偷偷地睇電視,我已警告丁生唔好畀佢再睇,不過拍緊套劇嘅時候,都有帶佢去探班,當時佢都很好奇、好多疑問。」

 

未敢諗歌影視大滿貫

 

  台慶頒獎禮剛公布提名名單,問千嬅可有信心奪視后,完成歌影視大滿貫?她說︰「無諗咁多,拍嘅時候只顧全程投入去參與,而且仲有其他劇都好好,例如惠英紅嘅《鐵探》,仲有《金宵大廈》同《解決師》,對自己來講,可以再拍劇先係最大目標。」

 

煒哥稍後將到美國登台。

 

  此外,陳煒憑《好日子》角逐視后,又憑《多功能老婆》爭最受歡迎電視女角色,她卻避重就輕笑言︰「我想攞『飛躍進步女藝員』呀!喺我眼中沒有對手,呢個獎非我莫屬。」談到她在《多功能老婆》的閨密角色甚討好,煒哥坦言近日去街市都有着數,她笑言︰「買餸一定多啲,買大閘蟹會送多一隻,去街市走一轉有好多收穫。」

 

etnet財經‧生活App   財智‧健康‧品味生活     【立即下載】  iOS版 / Android版
更多娛樂情報文章
編輯推介
即時報價
全文搜索
Search
最近搜看
新型肺炎
More
Share