加入最愛專欄  收藏文章 

2020-01-24

狠批無綫掀熱議 耍冧求「降溫」 李國麟︰我真係為公司好

  【晴報專訊】李國麟上月尾在一個專訪中苦呻,不少綠葉被無綫要求一年只簽六個騷難以生活,又狠批因管理問題令編劇無法創造好劇本。事件經過發酵,昨午他主動向傳媒澄清只是「愛之深、責之切」,強調未被公司照肺。不少劇迷撐這位老戲骨主動解畫;有粉絲亦希望在TVB繼續捧他的場!

 

 

  昨日李國麟在電視城召開記者會為事件降溫,他直言有關訪問掀起的回響,實在令他始料不及︰「回響多到我驚,可能用我個角度去睇公司(TVB)有啲唔公平,公司好似畀我踩,如果我唔喺度,我就係踩,但我仍然喺呢間公司,我好愛呢度,但用錯方法,咁樣講搞到好多監製同製作團隊都好唔開心。」

 

  他又指近年不少無綫劇集被網友狂踩,其實每位演員皆盡力拍好劇集,但難以控制觀眾意見︰「我唔可以代表觀眾口味,唔係TVB啲劇唔得,只係唔能夠合乎所有觀眾口味。(被高層照肺?)受壓係自己造成,我只是講件事,高層未照肺,但我相信公司會搵我了解。」他又稱︰「我做咗幾十年,真係愛呢間公司,為公司好,將來亦會繼續批評!」

 

合約明年中屆滿

 

李國麟對之前言論引起的誤會,同大家講聲唔好意思。

 

  談及「一年六騷」的綠葉制度,李國麟澄清TVB對他不薄︰「公司對每個藝員有唔同政策。」他坦言與無綫仍有一年半合約,剛剛完成劇集《逆天奇案》的拍攝工作。至於網民則認為他抒發情緒後要繼續拍劇;有粉絲亦期望「家和萬事興」。

 

李國麟在《大醬園》演奸角劉老闆,跟吳岱融演的萬啟山是競爭對手。

 

  事實上,李國麟於70年代已開始效力TVB,多年來擅演反派角色,令觀眾留下深刻印象,他曾演活《天龍八部》的鳩摩智、《男親女愛》的Alex鮑等。他在熱播劇《大醬園》亦是演奸角,相信觀眾都希望這位熟悉的面孔繼續有劇演。

 

 

etnet財經‧生活App   財智‧健康‧品味生活     【立即下載】  iOS版 / Android版
更多娛樂情報文章
編輯推介
即時報價
全文搜索
Search
最近搜看
新型肺炎
財政預算案
More
Share