加入最愛專欄  收藏文章 

2020-02-21

父母檢疫結果呈陰性 森美鬆口氣:無病毒好開心

  【晴報專訊】森美的父母連日來滯留在日本橫濱的「鑽石公主號」郵輪上,昨早森美表示父母新冠肺炎的檢疫結果呈陰性,並乘坐第二班包機回港,令憂心不已的森美鬆一口氣。

 

森美希望在郵輪上確診的港人,能回港接受治療。

 

  森美父母在爆發新冠肺炎的「鑽石公主號」隔離十多天,令森美非常擔心,連日與父母緊密聯繫。昨日森美在商台做完節目後受訪,透露昨日凌晨收到父母訊息,得知他們的檢疫結果呈陰性:「無病毒,好開心,父母上唔到前一晚嘅專機,會搭(第二班)包機返嚟。不過我都仲驚同擔心,會叫佢哋搭飛機做好防禦同安全措施,戴口罩、手套、襪、鞋套等,喺機上盡量唔好捽眼耳口鼻。」

 

  問到父母情緒如何?森美表示︰「佢哋知道自己無事都好開心,可以返嚟香港先,遠離病源。(放下心頭大石?)係呀,之前好驚,以為無病徵就無事,但呢幾日有好多確診個案,知道佢哋無事才安心。」

 

無綫化妝師確診

 

  提到父母返港後需入住隔離營,森美表示正為兩老準備隔離物資,亦相信隔離營環境不會太差:「反而佢哋喺船嗰陣仲擔心,驚會受感染,好彩佢哋好乖,咁多日都只係出過房一次,相信佢哋喺香港都會好乖。父母抵港時可會隔空見面?他笑說︰「又唔會緊張到咁,返到香港視像都見到,喺船上都有keep住WhatsApp。」

 

  另外,無綫證實一名女化妝師在「鑽石公主號」確診,現正於日本接受治療,又指她由上月25日開始休假至今。

 

etnet財經 ‧ 生活App獨家「銀行匯率比較」功能 立即下載 iOS/Android

更多娛樂情報文章
編輯推介
即時報價
全文搜索
Search
最近搜看
新型肺炎
全球放水
More
Share