加入最愛專欄  收藏文章 

2020-07-15

疫情下創作新歌 許廷鏗:畀大家正能量

  【晴報專訊】許廷鏗(Alfred)昨日到商台宣傳新歌《Negative》,預計今年底推出新碟的他,坦言在疫情之下,就算預期出碟,之後能否順利宣傳都是未知之數。不過他表示新歌正好符合目前的大環境,希望能給大家正能量,齊齊面對疫境。

 

許廷鏗希望新歌讓港人有共鳴。

 

  許廷鏗透露新碟已灌錄五首歌,預計在10月推出,他苦笑指目前疫情嚴重,新碟第一首派台歌《無力感》正好道出大家近日的心情,而新歌《Negative》亦符合目前的情況:「呢段時間大家都好負面,因疫情先會有呢個歌名,希望喺呢個環境底下,帶畀大家正能量。」

 

許廷鏗早前憑《無力感》登上「Chill Club推介榜」冠軍。

 

  去年在紅館開個唱的Alfred,坦言十分希望疫情好轉後,能再次開紅館騷:「我真係超掛住有fans嘅演出,去年先做咗紅館騷,估唔到一年間嘅變化係咁大。如果之後可以再開騷,都希望係用正面嘅主題。」他表示疫情之下,近期主要忙於錄歌工作,他反而擔心出碟之後的宣傳活動可能有阻滯:「其實我真係好鍾意同人接觸,希望年底嘅時候,市面會回復正常。」兼顧牙醫工作的Alfred,坦言疫情下只能維持有限度服務。

 

改約鄧小巧食Lunch

 

  另外,提到政府宣布新「限聚令」措施,包括食肆晚上六時至早上五時禁止堂食,Alfred說:「呢個時候本來我想搞一個盛大嘅party,但係以目前情況睇嚟,我都會減少人多嘅聚會。鄧小巧上個月生日,本來打算約佢食飯慶祝,不過受限聚令影響,可能要遲啲先可以一班人開開心心食飯慶祝,或者改約佢食lunch或下午茶。」

 

轉載自: 晴報

【與拍賣官看藝術】常玉作品屢創天價,背後其實藏著跌宕起伏的人生► 即睇

更多娛樂情報文章
編輯推介
即時報價
全文搜索
Search
最近搜看
大國博弈
貨幣攻略
More
Share