加盟星夢 JW無意同菊梓喬爭做一姐

　　【晴報專訊】王灝兒（JW）早前宣布約滿舊唱片公司，更傳出收山嫁人，不過昨日她正式簽約星夢娛樂，更獲老闆何哲圖送上一支金咪，寓意歌唱事業更進一步。提到同門菊梓喬（Hana）及吳若希（Jinny）力爭一姐，JW強調從未想過做一姐，只想唱好歌及做好自己。

 

JW笑言加入星夢大家庭，幸好同門都是熟悉的朋友，令她安心不少。

 

　　入行十年的JW昨日加盟星夢娛樂，她穿上類似婚紗的晚裝，被司儀取笑「嫁給」星夢。除了星夢老闆何哲圖、無綫高層余詠珊撐場外，菊梓喬、胡鴻鈞、連詩雅及鄭俊弘等一班星夢歌手也出席支持JW，可見JW萬千寵愛在一身。師兄胡鴻鈞十分抵死，在台上祝願有化妝品連鎖店太子爺男友的JW，發展愈來愈「卓越」，令她忍不住大笑。

 

 

胡鴻鈞拿JW的富二代男友開玩笑，令JW大爆笑。

 

　　問JW簽約星夢後，是否意味加入吳若希及Hana的一姐之爭？JW即說︰「其實我從來都無諗過喺呢個平台做一姐，只係盡量爭取機會做好自己，無話要做一姐呢回事。（唱片公司係咪畀晒機會你？）其實未試過又點知呢，我想試下拍劇，之前拍《逆天奇案》都只係客串。」贏埋視后？她笑說︰「唔係，只係想試試拍劇，同唱劇集主題曲。」

 

Hana讓出女歌手獎

 

　　會否擔心新公司是非多？JW說︰「我無諗太多，舊公司唔係好多人，第一次加入咁大嘅家庭，入面有好多熟悉嘅朋友，畀我好多鼓勵，我只會專心做好每一件事，做好自己就唔會有咁多是非。」有傳她加盟是取代臨盆在即的Jinny，她大讚Jinny懷孕十分偉大︰「相信Jinny生完會繼續唱歌，將來我有自己家庭，都唔會放棄唱歌事業。」

 

星夢老闆何哲圖帶愛將菊梓喬（左）到場力撐JW。

 

　　同場的Hana亦表示沒想過力爭一姐，日後勁歌總選多了JW爭「金曲金獎」？Hana說︰「無分薄，因為我都無攞過金曲金獎。今年JW攞女歌手獎啦，希望佢有更好成績。（擔心地位不保？）我入行以來都無擔心過，因為公司對每個歌手都好好。」另外，無綫高層余詠珊回應《東張西望》主持戴透明口罩做節目，她承認口罩不能阻擋病毒，所以出鏡以外，主持都會換回一般外科口罩。

轉載自: 晴報

• 

樂本健【秋日開倉26 - 27/9】保健品低至$20！► 火速行動