兩 Take 考獲大巴牌 王菀之揸巴士宣傳勁緊張

　　【晴報專訊】王菀之（Ivana）昨日化身巴士司機，親自駕駛巴士接載新片《阿索的故事》一班演員出席宣傳活動。她自爆再次坐上司機位時，卻忘記之前是如何考獲巴士牌，前日要急忙補鐘。Ivana笑言︰「只要不斷學習一定會成功，我都考咗兩次，成功時感動到喊。」

 

化身車長的王菀之，駕駛巴士接載演員和導演到場。

 

　　王菀之、姜皓文（黑仔）、蔡潔、林盛斌（Bob）及導演葉念琛等，昨日齊到深水埗巴士廠為新片《阿索的故事》造勢，Ivana穿上巴士車長制服，駕駛雙層巴士接載演員到場，相當有型。她表示︰「今日（昨日）雖然只係兜圈，但都好緊張呀，我已經一年幾無揸過巴士，上到車好似無學過咁，完全唔識揸，所以噚日去咗補鐘。」

 

黑仔取笑葉念琛扮民主

 

王菀之與林盛斌、袁富華、C AIlStar成員King和釗峰齊飾演巴士員工。

 

　　Bob大讚新片是Ivana的巔峰之作，有機會問鼎影后，對此Ivana謙稱︰「我點會覺得自己係巔峰呢？希望大家喺疫情下仍會入場支持，已經好感恩。」她指新片帶出人們即使搭錯車，只要盡快落車，再坐上對的車，一定去到目的地。提到導演曾說要等她考到牌才開拍，Ivana笑稱︰「如果十年都考唔到咁點算！」

 

姜皓文在戲中慘遭蔡潔（左）騙財騙色，遂展開復仇大計。

 

　　戲中，黑仔被舊愛蔡潔欺騙金錢和肉體，後來聯同Ivana向蔡潔大報復。蔡潔說︰「佢（黑仔）最後令我比死更難受。」黑仔指導演雖然要求高，但會出動美食利誘演員演得更好。黑仔「抱怨」說︰「佢（導演）話放手任我哋去演，但其實心裏已有自己答案，唔係咁民主。」蔡潔則笑言︰「食完美食就畀導演捽到盡，不過都係開心嘅。」

 

轉載自: 晴報

• 

【你點睇】本港主要銀行跟隨美聯儲減息，你對樓市前景有否信心？► 立即投票