職場上經常遇到令人啞口無言嘅問題，或者來不及反應嘅狀況，以下介紹大家使用「What do you mean?」呢一句作即時回覆，畀自己多一點時間思考之餘，有時甚至可以殺人一個措手不及。

 

例子：

 

　　Sales同你講：「呢單嘢唔係我哋跟開，不如你哋marketing做埋佢啦。」

　　你：「What do you mean？咁你哋係咪會畀埋份人工我？」

 

　　Printer同你講：「份flyer無幫你做壓線同對摺，你哋可能要自己搵同事摺返。」

　　你：「What do you mean？兩千張flyer無對摺？And FYI，成條team就係得我一個同事。」

 

 

　　Vendor同你講：「個backdrop應該set唔切，場show你預咗要遲開。」

　　你：「What do you mean？咁你之前又有無預到個backdrop會set唔切？」

 

　　客：「隻稿都係用返之前個version好似好啲。」

　　你：「What do you mean？咁你之前又話個舊version唔夠出唔夠energetic唔夠盛？」

 

　　老細：「今年你其實perform得好好，所以我準備下年升你做Senior。」

　　你：「What do you mean？上年appraisal你已經講過一樣嘅說話，咁點解唔係今年升？」

 

　　下屬：「我要遲30分鐘先返到office。」

　　你：「What do you mean？個meeting五分鐘後開始，駛唔駛等埋你？」

 

　　同team同事：「嚟緊long weekend呢，我想攞多幾day去日本，你知老細唔鍾意我同你一齊攞AL，你嗰幾日可唔可以畀我放先？」

　　你：「What do you mean 你放先？咁我「放後」你係咪會送返幾日AL畀我砌返個long weekend？」

 

　　男同事：「今晚OT完不如去一蘭消夜？」

　　你：「我同你兩個人消夜？What do you mean？」

 

　　HR email全公司職員：「今年公司為咗獎勵員工，決定搞公司大旅行。旅行地點梅窩。」

　　你reply all：「大嶼山？What do you mean？」

 

　　「What do you mean?」都算係一個進可攻退可守嘅即時回應，大家不妨適時使用。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

etnet榮獲HKEX Awards 2023 「最佳表現證券數據供應商」大獎► 了解詳情