世事政情

　　MIRROR十六場演唱會上星期圓滿結束，不過一眾成員都未能立即好好休息，其中姜濤及盧瀚霆（Anson Lo）隨即為「國際邁亞密」的賽事做暖場嘉賓，兩人隨後再夥拍呂爵安（Edan）一齊為賀歲片《盜月者》宣傳造勢。不過年卅晚，Edan一個頹廢Look在直播現身，更滿面鬍鬚，原來他慘中COVID要在房間中隔離，連團年飯都不能夠陪家人一齊食飯，陰公豬！

　　Edan直播期間，惹來不少「爵屎」熱烈討論，他決定直播表演剃鬚，更接受網友建議「剃一半」，右邊面是「青春Edan」、「青靚白淨Edan」，左邊面是「成熟Edan」、「Man爆Edan」，效果非常搞笑！「新年快樂！今鋪真係我最紅，我個快測最紅！今日屋企全家人食團年飯，我就自己一個食外賣，我就係咁特立獨行，咁獨立，咁人棄我取！新一年，我衷心祝大家，身體健康！！！真係最緊要！！！#好似咁大個仔第一次過年病 #團年飯都食唔到 #大家要身體健康 #yt直播打陣機好冇」

　　直播期間，Edan笑言上一次留鬚的日子就是中COVID，如今今次再留鬚同樣「又中COVID」，「前兩日唔舒服，真係好頭痕，演唱會完咗本身可以盡情去玩，係呀，演唱會前中甲流（甲型流感），演唱會後中COVID，我係差個乙流（乙型流感）就集齊晒，所以我估未來幾日都出唔到街，要困喺屋企打機，不過大家唔使擔心，開頭只係喉嚨痛加少少發燒，而家有少少痰同鼻水，冇乜事！一路睇緊中醫！」他表示演唱會生病都不敢公開，事關不想被大字標題報道「MIRROR又病」，「上次扭親同大家分享，覺得第一次刮沙幾有趣，點知見到標題話MIRROR又出意外，我見到眼都反埋，點解要咁寫？背後目的係咩？製作聲音輿論，好小事但被人發揮、又被人入我哋，真係唔想！」Edan兩晚都有YouTube直播打機，跟中學同學仔一齊打，期間都有少少咳嗽，幸好非常精神，相信很快會康復。

　　其實Edan的直播中，Frankie都有留言說：「Same here. 身體健康！」原來Frankie都一樣中招，他搞笑分享檢測棒質問Edan，「個bb究竟關唔關你事，第3日仲好頑強！睇下條線幾實！新年快樂！」新年流流要隔離，難怪Frankie灰爆，「日日都食同瞓，無咩心機過新年，幫我同大家講多謝！新年message我再覆大家啦！」

　　MIRROR成員呂爵安（Edan）一向好有幽默感，玩social media功力更是出神入化，吸納了不少路人轉粉。23日剛出席《12怪盜》粉絲見面會的Edan，立即在社交網「上水」分享靚仔相，但他竟然講笑自稱是友台「Loong9」成員？引發爵屎大爆笑！

　　Edan昨日以靚仔眼鏡look現身「12怪盜團魂見面會」，有粉絲抽中親筆簽名1:1人形立牌，Edan簽名在自己的臉上，搞笑說覺得自己似哈利波特。事後，Edan在網上派福利po出一系列靚相，其青靚白淨的造型似時流行的「小奶狗」風格，意即「年紀小、溫柔、撒嬌又癡身的犬系男友」。他留言問道：「其實…咩係小奶狗?#又選擇困難症 #又嚟民意調查吓先 #俾你放第一張你會放邊張 #下次再見」

　　他在Threads亦有上載這批靚相，不過他語帶雙關留言：「小奶狗？ No，我係大Loooooong9 . . . . . . . . . （I mean我係大鼻哥窿嘅傻9（狗）, 唔好亂諗thanks）」深明流量密碼的他，竟間接提及友台男團Loong9，網民搞笑回應：「你公司好擔心你亂講嘢」、「玩命示範」、「我要舉報 懷疑你想當眾講粗口兼且抽隔離台男子組合水一箭雙雕」、「你會唔會比（被）花姐捉」、「小心入錯團」等，更有人將Edan key成Loong9全隊。

　　此外，Edan出名是一名「妹控」，日前Edan分享自己駕車的型男照，原來由妹妹小如豬操刀。他大讚自己：「Threads妹豬mode: 如果有個男仔咁樣車我我一定沉到落地核♪（´ε｀ ）」但當網民問：「如果有個男仔用呢招氹你個妹上車你個心情到時會唔會沉到落地核？」Edan即留喊到傻的顏文字「（;´༎ຶД༎ຶ`）」，相當搞笑，有網民笑言若將來小如豬出pool（拍拖），Edan要開live剖白心情。