世事政情

　　由盧瀚霆（Anson Lo）和呂爵安（Edan）主演的ViuTV《社內相親》將於明晚首播，日前兩位主角接受訪問，飾演高賦飲食集團CEO姜泰武的Anson Lo性格高傲，富有很強的控制慾的他，遇上喜歡的女仔一定會追到手，Edan則演姜泰武的秘書章成勳，性格理性又自卑，所以喜歡陳映書（沈殷怡 飾），都會覺得高攀不起對方。

（《晴報》圖片）

（大會提供）

　　《社》劇改編自韓國同名劇集，他們坦言遇到一定的挑戰，Anson Lo表示要自然地chok，「嗰排我阿媽都覺得我好冷淡，講嘢都用boss語氣。」Edan則說：「原版嘅對白好中二病，但變咗廣東話，要講出嚟會忍唔住笑...」Anson Lo接住說：「有啲對白好噁心，『我咁有錢又咁靚仔，冇可能追唔到』！」Edan聞言即指當時的反應是反白眼。

　　提到羅家英這位前輩，今次飾演姜泰武的爺爺，Edan曾跟家英哥合作旅遊節目，忍不住大讚對方工作態度十分專業，「佢啲對白唔短，但好快記到，拍攝時間咁長，佢仲精神過我哋，就算收好夜，佢都冇任何怨言。」Anson Lo就指家英哥專業又搞笑。

　　由於Edan有場露肉騷肌的戲份，他表示有食減肥餐。問到可有將修身成功的相片send給Anson Lo看？後者搖頭笑說：「唔使send畀我，我諗佢都冇乜興奮send畀我睇，見到就見到...」Edan淡淡拋下一句：「求我都唔畀佢睇！」問他操到多少舊腹肌？Edan大讚Anson Lo很厲害，「佢真係好勁，佢好明顯，我就唔係，都需要畫吓嘅，（認要加工？）邊個冇吖！（Anson Lo呢？）只係令佢更加明顯。」Anson Lo笑說：「我本身以為有好多胸肌、腹肌，但一路咀緊，遮晒，哎呀，嘥晒！」

（《晴報》圖片）

　　談到在劇中感情線，難免會有親熱戲，Anson Lo與陳漢娜（Hanna）一對，他憶述說：「第一場我喺樓梯拍，我冇乜尷尬，大家都好專注喺劇本上，就算有好多圍觀者，都冇影響我哋，錫嘴唔會中間錫落去，因為會鼻撞鼻。好多角度拍，我哋由窗邊咀到去梳化，梳化咀到去牆，牆去到梳化，喺梳化抱起佢入房，所以拍咗好耐，而且我睇唔到路，Hanna背脊撞落牆...」Edan指他很暴力，Anson Lo沒好氣地笑說：「點呀！呂爵安！」提到二人在《大叔的愛》有咀嘴戲，問到Edan還是Hanna好咀？Anson Lo說：「兩個都唔好咀，其實唔記得喇，太耐喇！」而Edan就笑說：「梗係女仔好咀啲啦！」

（《晴報》圖片）

　　至於Edan與沈殷怡有場床戲，他笑說：「我冇佢（Anson Lo）咁精彩，冇撞牆又冇走嚟走去...」Anson Lo爆料說：「你除晒嘢喎！」Edan緊張問：「除晒咩？」Anson Lo說：「你撕開人哋啲friend。」Edan續說：「冇呀，劇情係講我哋飲醉，所以激烈過佢哋，冇佢哋咁浪漫，但搞笑都係啲走位，開頭唔知點樣錫錫吓，又要180度擰轉，跟住又要解鈕，然後推佢落床，好多步驟。（平時少啲步驟？）平時...做咩呀？冇平時，哈哈哈！」

盧瀚霆

服裝：Berluti, Harvey Nichols, Giuseppe Zanotti

化妝：Mayling Suen @Annie G. Chan Makeup Centre

髮型：Denny Ku @CHIC Private I salon

形象：PIPA Creative

呂爵安

服裝：Swank, Christian Louboutin

化妝：Giann Cheung @Annie G. Chan Makeup Centre

髮型：Man Chan @CHIC Private I salon

形象：PIPA Creative

　　伍富橋和富貴老婆梁兆楹（Shirley）的互動一向有趣，兩公婆經常隔空出賣對方最「真實」的一面。早前是伍富橋和太太結婚兩周年的日子，伍富橋花盡心思(o氹)老婆，先在IG分享幾首他在錄音室翻唱老婆最鍾意的Twins歌曲，隨後兩公婆二人世界共進晚餐，期間伍富橋為太太送上驚喜禮物，超級巨型鑽戒遞上，不過Shirley的反應是非常搞笑，反為禮物不斷質問老公。

　　早前是伍富橋和老婆Shirley結婚兩周年的紀念日，當然要大肆慶祝，一向浪漫的伍富橋憑歌寄意，將Twins的《明愛暗戀補習社》、《愛情當入樽》、《跅跅步哈姆太郎》、《戀愛大過天》及《我們的紀念冊》做成Twins Medley，在錄音室獻唱給Shirley聽，更加入不少照片和Meme圖，原來Shirley是Twins的超級粉絲，她留言說：「多謝晒，不過如果唔將我睇波嗰個_樣加落去仲要放大會好啲。」不少好友都留言大讚伍富橋冧妻有一手，浪漫至極。

　　直至晚餐時間，當然要燭光晚餐慶祝一下，兩人享用晚餐時，伍富橋突然向太太說：「老婆，你上次咪話好想知我個秘密禮物係咩嘅？」隨後他遞上閃鑽的首飾盒，Shirley即時搞笑問：「咩嚟呀？係咪得個盒有閃石而入面係冇？咩嚟呀？等我睇下先！」Shirley一臉驚喜又緊張，在枱底打開首飾盒，不禁喜上眉梢，不過她來不切感動就已經搞笑提到質問：「嘩，點解嘅？邊個買畀你？邊個叫你買呀？邊個畀錢你買呀？（我自己囉）你自己攞錢出嚟買？點解你會有咁多錢嘅？」伍富橋勁無奈笑稱是慢慢儲存得來的私己錢，但Shirley仍然不敢相信繼續追問，「真定假？水晶嚟呀？乜嘢呀？Mom畀錢你重新鑲呀係咪呀？冇可能！冇可能！你點解會有咁多錢唔話我知嘅？」伍富橋說：「你呢個咩問題？你試下鍾唔鍾意先啦！」

　　Shirley戴上鑽戒表示鍾意，而鑽戒亦非常巨型，目測至少三卡，但Shirley開心之餘都繼續一輪嘴追問到底伍富橋點解有咁多私己錢，更自言自語：「你呃我！我唔會沉溺喺呢啲物質上面嘅嘢，我要了解件事個根本，你係一個好多秘密嘅人。我而家要開始密切咁觀察你！」伍富橋笑言：「你幻想嗰啲感動、流涕、擁抱，係唔會出現喺我老婆身上，睇嚟要再努力啲搵錢！有興趣減肥，增肌減脂，越野跑訓練，吹水，打發時間，歡迎DM！」