世事政情

　　張致恒（Steven）和雯雯一家六口絕對是「愛生事家庭」，由雯雯網上大鬧要離婚再戲劇性復合兼再再再懷孕開始，不斷都有是是非非，二人亦毫不避忌將家事放上網，成為網民的花生熱話。連日來，雯雯再沒有放負，不斷分享自己下廚的菜式，享受家庭生活，沒想到開心不足幾日又「嚟料」！

張致恒聲稱頂唔住網上「籌旗」 出示QRCode被網民斥「行乞」

　　早前，Steven和雯雯忽然積極，Steven聲稱完成結紮手術，到性商店打工，然後跟雯雯一齊開YouTube頻道大講有味話題，沒想到又冇返工，而且YouTube合作短短時間又事敗中斷合作，雯雯聲稱一個人冇辦法同時照顧四個小朋友，所以不容許兩公婆一齊出去工作，後來又改口話已經請工人解決，照顧有自閉及過度活躍的囝囝，更聲稱懷疑自己有精神問題等等...

　　以為生活會改變？非也非也，早前雯雯率先在IG Story留言說：「問題已經步向解決，但我過不到現在，究竟怎辦？不會有奇蹟，我該怎樣走下去？」似乎又有問題發生，明明說已經聘請工人姐姐，理論上Steven就可以外出工作，到底係咩問題呢？直至夜晚Steven直接在IG Story分享自己支付寶的戶口QR Code，並留言說：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求大家幫吓手。」

　　網上討論區對他此舉大感不惑，不少人斥他是「網上行乞」，連出街行乞都懶，不過亦有網民表示同情，認為人不到絕路都不會走到這一步，希望他們一家六口能夠走出今次的難關。

　　張致恒（Steven）一家長期活喺貧窮線下，冇錢開飯同網上行乞都已經唔再係新聞，不過張氏嘅手法層出不窮，最近佢哋又有新鮮事，雯雯網上鬧Steven累到屋企被cut電，睇嚟又有善長人翁要破財喇！

　　Steven同雯雯早前一同出post，突然澄清大仔天寶冇自閉症，不過係雯雯二月尾時自爆「再有一個小朋友確診autism plus hyperactivity」，因此，雯雯當時係講緊另外幾個仔仔有病定係講人哋嘅小朋友有病，就真係不得而知。而雯雯又出IG Story，怨氣極大：「要發生嘅終於都發生，你終於都令到屋企發生畀人cut電，完全已經唔係可以容忍嘅範圍之內。小朋友又冇得煮嘢食，又冇熱水沖奶，不停喊，你想我點？」

　　Steven本來上月曾post出QRcode行乞，指自己今個月就可以解決到財困，情況會好轉，而佢月頭嘅時候都曾經post出自己有工開嘅story，短暫露出一線曙光，但不出網民所料，唔夠半個月又被雯雯爆出屋企被截電。

　　根據中電資料，逾期電費會徵收5%的附加費。在個別情況下，拖欠電費可導致電力暫時停止供應。而如中電有計劃停電，或者因為客戶遲交電費，而要截電，公司必定會先有書面通知，再以電話直接和受影響客戶聯絡，換言之張氏喺多次被追數下仍未有繳清電費，先會出現如此窘局。

　　不過今次網民就一啲都唔同情佢夫婦，更責雯雯完全推卸責任：「講到自己完全無責任，無錢就咪生4個啦，定係預咗男人養，咁當初就唔好搞人份工，而家真係自作孽。」又有網民覺得佢再推小朋友出嚟博同情：「又搵小朋友出嚟情緒勒索。」、「一定又有人捐錢，覺得係大人責任，小朋友無辜。」亦有人突破盲點話雯雯仲出到post：「電話仲叉到電。」、「即係電話有得叉電。」、「電話唔cut得，生財工具嚟」、「之前仲有錢去迪士尼，搭車食飯都要錢呀。」