世事政情

2018-12-24

Oscar扮美少女戰士接新娘江若琳趕生豬B

　　【晴報專訊】「生煎包王子」蕭潤邦（Oscar）與江若琳（Elanne）昨日正式拉埋天窗，他們豪花七位數字，筵開45席大宴親朋。一對新人完成註冊儀式後見傳媒，兩人大曬婚戒，更以「馬拉松式」咀足20秒，恩愛甜蜜。

　　Elanne和Oscar同樣在07年加入樂壇，相識十年後才發展成戀人。他們邀請好友張繼聰、謝安琪、小肥和Hotcha等組成兄弟姊妹團，在昨早接新娘環節上，新郎哥Oscar要戴上金色假髮，變身美少女戰士「月野兔」及套上整蠱牙箍宣讀愛的宣言，場面惹笑。

Oscar為了抱得美人歸，不惜cosplay美少女戰士。

謝安琪（左三）擔任伴郎，小肥（右一）做伴娘，夠晒反傳統。

　　昨午五時半，一對新人見傳媒，Elanne穿上短裙拖尾婚紗，明艷照人，兩人大曬Darry Ring鑽戒及MY QUEEN皇冠，寓意為愛加冕，鑽飾共值數百萬元。Oscar對於扮美少女戰士，無奈稱︰「我個嘴好細，仲要戴牙箍，嘴唇都爆咗。本來叫佢哋唔好擺上網，但阻止唔到，真係英名一朝喪。啲兄弟幫唔到我，淨係跳舞幫下手。（開門利市係一大疊金牛？）派晒喇，都唔夠。」

新郎忍唔住先喊

斟茶給長輩時，一對新人多次感動落淚。

　　Elanne自爆前一晚媽咪替她上頭時，已經一直開住「水喉」，另一感動位是爸爸替她蓋頭紗，她表示︰「我哋估邊個會先喊，為咗班姊妹，我惟有忍住。」而Oscar則表示看著Elanne挽住父親進場時已忍不住，他說︰「我覺得好似發夢咁，好感動。」至於婚後何時生B？Elanne揚言希望明年生「豬B」，稍後到英國度蜜月。