2020-10-15
與敏之合照無尷尬 陳煒執二攤演《飛虎3》
【晴報專訊】黎諾懿、陳敏之主持全新煮食節目《今晚請客》,昨日錄影邀得陳煒(煒哥)和張曦雯做嘉賓,黎諾懿笑言可以趁機會向煒哥偷師。他透露會在節目中教觀眾如何處理海鮮,例如教大家哪些部位不可食用。陳敏之笑指會負責伴碟,她說︰「有小朋友協助做一啲簡單伴碟,我本身美勞都好高分,呢啲工夫嘢絕對無問題。」
陳煒(左)與陳敏之同場宣傳新節目《今晚請客》。
此外,早前有傳敏之因網上轉發圖片涉政治意味,臨時被飛出《飛虎》第三輯《飛虎之壯志英雄》,改由陳煒頂替演出。敏之再次解釋︰「其實之前回應咗,疫情下我想暫停拍劇,因擔心保障唔到家人安全,依家主持節目唔使拍通宵,有多啲時間陪個仔。」至於煒哥在《飛虎3》飾演張兆輝太太,她輕鬆回應︰「接呢個角色之前,我完全唔知道係頂替邊個,反正有機會演出我都唔介意。(怕畀人話執二攤?)無所謂,當年選美我都係候補進入決賽,最重要係表現好,自然有人賞識。」
諾懿在家中試菜,確保「見得人」才會在節目中示範。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇