【晴報專訊】陳豪把全副心機專注在家庭上，對太太陳茵媺（Aimee）千依百順，照顧三個子女亦無微不至。陳豪昨日坦言家庭支出龐大，讓他改變了花錢習慣，實行應使則使。

 

陳豪表示曾收藏價值達六位數字名錶。

 

　　陳豪、唐詩詠昨日到上環出席鐘錶展，提到收藏名錶的習慣，陳豪表示︰「之前有段時間的確追求手錶，覺得時間好緊要，依家就覺得時間一定唔夠用，因為有太多嘢要兼顧。（有無足夠時間瞓覺？）其實真係唔夠，雖然仔女已經大個咗，但瞓到半夜都要睇下佢哋有無踢被，有個又要屙夜尿。」三個子女會否喜歡黐爸爸媽媽睡覺？他即笑言：「幾個小朋友都會輪流同我哋一齊瞓，有時瞓到朦朦朧朧，都唔知邊個瞓喺我同Aimee中間。」可會擔心失去兩公婆的親密時光？陳豪認為自從有小朋友之後，兩夫妻的時間已不重要，而他和Aimee都非常享受跟子女相處的時光。

 

祝福舊愛廖碧兒結婚

 

　　此外，有傳舊愛廖碧兒將於明年結婚，陳豪大方表示︰「確實咗先啦，anyway我都會送上祝福。」

 

唐詩詠笑說目前忙於湊貓，無暇結識異性。

 

　　問到唐詩詠會否羨慕陳豪擁有幸福家庭？她表示︰「我都有幾個『小朋友』，係三隻貓，照顧佢哋食嘢、又餵佢哋食藥、陪佢哋大小二便，就好似湊小朋友一樣。我都學識分配時間，如果將來有小朋友，湊B應該都無問題。」

 

　　詩詠又表示喜歡收藏手錶，人生第一次出糧就是用來買手錶，她說︰「我仲記得隻錶好貴，都要六位數字，一直都唔捨得戴，只係收藏到現在。」陳豪聞言立刻催促詩詠要多戴手錶，他笑言︰「何止要戴呀，仲要戴到爛為止，咁先抵！」

 

　　陳豪亦透露自己最貴的手錶價值六位數字，但他笑指現時照顧三個子女的支出更龐大，交學費也不少。記者笑問陳豪，現時買給Aimee的禮物會否大縮水？他否認說︰「就算縮水，都只係縮自己嗰份。」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情