【晴報專訊】陳瀅向來與93歲的外婆感情要好，日前陳瀅無懼新冠肺炎疫情，飛往加拿大溫哥華跟婆婆過冬至及聖誕節，令婆婆開心到彈起兼喜極而泣，場面溫馨又感動。

 

陳瀅十分愛錫婆婆，經常帶婆婆周圍去旅行。

 

　　向來孝順的陳瀅，因婆婆前年患上腎病，她早前豪花數百萬元在溫哥華置業，好讓婆婆安享晚年。陳瀅為了跟婆婆及家人歡度聖誕及新年，特地飛往溫哥華，更趕得及跟家人做冬。她在社交網拍片留言︰「細個嗰陣婆婆成日教我『冬大過年』，所以一定要返嚟同佢過冬。PS︰大家放心，見婆婆之前已經全身消毒過，也先後做了三個唔同嘅測試，all negative。happy冬至everyone！」

 

陳瀅躡手躡腳入屋，給婆婆送上驚喜。(影片截圖)

婆婆一見陳瀅即開心揮手，更令加國大宅曝光。(影片截圖)

 

　　短片中，陳瀅入屋前已先除鞋，躡手躡腳步入大廳，她看見婆婆坐在客廳中看電視即叫對方，婆婆看到乖孫現身驚訝得「O嘴」，然後開心彈起兼拍掌大叫。婆婆曾想上前攬攬乖孫，但陳瀅因擔心有病毒即刻表示唔攬得，兩婆孫惟有忍住。陳瀅見到婆婆流淚即說︰「哎吔，唔好喊啦！」又不忘提醒婆婆戴上口罩。陳瀅在溫哥華購入的獨立屋亦在短片中曝光，屋內十分寬敞，客廳放置大型真皮梳化，亦看到窗外的後花園。

 

困房隔離14日

 

　　陳瀅昨晚接受《晴報》訪問時，表示正接受家居隔離︰「喺香港出發前，我做咗幾次測試先敢返去，因為擔心婆婆安全，要確認自己無受感染先去見佢。呢邊疫情都嚴重，所以一定要戴口罩、保持兩米距離同盡量唔出街，所以都留喺屋企。我目前家居隔離14日，每個人唔同房間就OK。我基本上都困喺房，所以都有啲慘，不過唔緊要，聽到屋企人把聲，佢哋又喺同一間屋，所以無咁寂寞。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇