【晴報專訊】陳凱琳（Grace）與老公鄭嘉穎育有兩個可愛兒子，身為家中女王的Grace，昨日笑言暫時無意追多一個小公主，皆因Grace有生孖胎的基因，擔心若第三胎是孖仔的話，全屋男士令她「無位企」。

 

陳凱琳為無綫主持新綜藝節目，但坦言不想困身，暫無意拍劇。

 

　　陳凱琳與關智斌（Kenny）昨日出席防疫產品期間限定店活動，Grace的孖生弟弟日前結婚，Grace笑言不會催弟弟盡快生B：「我想佢幫我湊熟兩個仔先，我細仔個樣都有啲似舅父，望住細仔，就好似睇番細個嘅我同細佬咁。」

 

陳凱琳兩個囝囝同樣精靈又靚仔。

 

　　提到家中兩個囝囝的相處，Grace說：「兩兄弟年紀相差一年半，細佬出世嗰陣，大仔未識照顧，依家佢開始知自己係哥哥。」問到Grace會否考慮生第三胎追個女兒？她說︰「依家湊兩個已經好忙，嘉穎睇我決定，不過我都擔心如果第三胎生孖仔，變咗成屋都係仔，我無地方企喇，所以暫時唔考慮。」

 

Kenny無催張致恒還錢

 

關智斌希望張致恒好好面對困境。

 

　　同場的Kenny近日忙於上堂學演戲及跳舞，提到好兄弟張致恒陷入欠債風波，曾借錢給對方的Kenny只說：「呢排大家都好忙，佢喺自己平台回應咗，我唔想再加多句。（催對方還錢？）無特別去問，唔記得咗嘞，等佢解決咗自己嘅事先啦。（介紹工作？）上咗人生嘅一課，要自己去面對。」近日有傳Kenny身邊有新密友，他自言目前單身：「我已經生人勿近喇，朋友都唔肯同我出街。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇