加入最愛專欄  收藏文章 

2021-04-20

柳應廷音樂狂人日記

  【晴報專訊】出道快將三年的MIRROR,即將迎來入行以來第二個演唱會。成員之一的柳應廷(Jer)出名唱得,三首「物語系列」單飛作品令他勇奪叱咤生力軍男歌手金獎,前晚又在《Chill Club》頒獎禮再奪「年度新人」。最近推出新歌《狂人日記》的Jer,現實中亦是位音樂狂人,以新曲風及唱腔衝擊樂迷聽覺,望開創廣東歌progressive rock(前衛搖滾)的先河。

 

 

  平日看來傻更更的柳應廷,以歇斯底里的情緒、瘋狂癲喪的唱腔演繹新歌《狂人日記》,令樂迷耳目一新。Jer野心不小,希望歌曲為香港樂壇帶來新的衝擊,「其實我做呢首歌嘅時候,無諗過自己唱唔唱到,只係想為香港帶嚟一種唔常見嘅廣東歌音樂風格。但無諗過首歌音域咁闊,當時只諗到首歌嘅重點就係要好黐線,每一part都捉摸唔到同好豐富,就係嗰種狂人情緒。」

 

Jer希望盡自己力量,為樂壇帶來新氣象。

 

說服花姐放手

 

Jer本來在《全民造星》20強止步,但得花姐賞識而加入MIRROR。(IG圖片)

 

  MIRROR經理人花姐(黃慧君)全力支持Jer的音樂創作,更一同參與聽demo、揀歌的過程,「當時花姐都擔心過《狂人日記》唔夠商業化,而我一直說服花姐,話我可以將呢個潮流帶嚟香港。佢一開始唔係好信,不停問身邊朋友覺得隻歌點,好彩朋友回應都偏向正面,佢先慢慢接受,放手畀我去做自己鍾意嘅音樂。」樂迷對新歌反應不俗,證明Jer的堅持有回報。

 

Jer在新歌《狂人日記》中,表現自己瘋狂一面。(IG圖片)

 

  下月MIRROR舉行演唱會,Jer期望《狂人日記》可帶動演唱會氣氛,「一定要喺一個音響好好嘅情況下先會唱呢首歌,我想大家聽完會feel到首歌係好瘋狂,所以要喺演唱會呢個氛圍下,先令人體會到呢首歌嘅精神。」與MIRROR兄弟比較,Jer與眾人最大分別就是曲風。「姜濤、Edan(呂爵安)曲風偏向愛情路線,而我玩嘅嘢(曲風)可以好闊,由狂到喪,亦有好多嘢我未試過,例如jazz、funk。我哋定位好唔同,但我覺得唔使特登去界定要同佢哋一樣或唔同。」

 

Jer未有忘記音樂初心,曾重回尖沙咀海旁busking,為歌迷表演。(IG圖片)

 

  說到音樂歷程,自小喜歡音樂的Jer,大專畢業後一度全職投身音樂,除了與朋友夾band外,又在街頭busking,後來為生計一度轉行做娛樂記者。「我以前做記者係因為做音樂真係好難搵食,被迫做一份有收入嘅工,有貢獻畀屋企人。做咗兩年幾,覺得好似到咗樽頸位,每日好似齒輪咁不斷運轉,每日做嘅事又差唔多。」反覆思索,他確認初心仍是音樂及唱歌,當時ViuTV正好製作節目《全民造星》,他便索性辭職參加。「雖然第一round輸咗,但之後可以復活,仲加入埋MIRROR,條路一開始係有挫折,但之後都好順暢。」

 

從街頭表演到《造星》

 

Jer前晚在《Chill Club》頒獎禮獲獎。

 

  Jer今年初獲「叱咤樂壇新力軍金獎」後,前晚在《Chill Club》頒獎禮再贏「年度新人」,他表示獎項是一種鼓勵,希望將來以歌曲影響更多人,陪伴大家成長及經歷苦與樂。「其實香港有好多有心人,喺背後繼續做好佢哋嘅作品,今年MIRROR咁多人注目,希望多啲同有potential嘅朋友合作,令大家透過MIRROR睇到呢班幕後功臣,就係我未來嘅目標。」

 

 

轉載自: 晴報

更多娛樂情報文章
編輯推介
即時報價
全文搜索
Search
最近搜看
中概股回歸
大國博弈
More
Share