加入最愛專欄  收藏文章 

2022-08-05

被批出席百人無罩派對 方力申︰影響我聲譽

  【晴報專訊】方力申(小方)上月底到淺水灣出席一間食品公司兼網紅(KOL)平台舉行的周年派對,有指當天逾百人出席,但大部分人均沒有戴上口罩。小方昨日到九龍灣出席活動,直指事件對他的聲譽有很大影響,故再次澄清。

 

小方表示本月要拍劇、練波和游水,十分忙碌。

 

  方力申昨日出席環保活動,他笑言自己很怕熱,因此暑假不用開工時,便會躲在冷氣地方;他又指幸好自己是在室內池教水,所以不用在外暴曬,「如果泳池喺室外,啲教練好驚㗎,好易曬燶。」提到小方早前出席百人網紅派對,事後被批無戴口罩,小方強調︰「個標題寫我去百人無罩P,我都擔心影響我聲譽。因為我教小朋友游水,雖然無家長打電話嚟查詢或者嫌棄我,但公司同事都好緊張呢件事…我之前都解釋咗,亦show埋安心出行紀錄,當時我係留咗半個鐘,去到見到好多人,走嗰陣都有撳『離開』。」

 

小方昨日與香港傑出擊劍運動員江旻憓碰頭。

 

靠樣力敵小鮮肉

 

  另外,近日忙於拍劇的小方,亦同時為下月舉行的《903 AllStar籃球賽》練波。屬於DJ隊的小方說︰「我哋好認真㗎,森美、張繼聰都開始練波,嚟緊我哋都約咗時間一齊練。」他透露十年前及20年前都曾出席同一比賽,並笑說︰「我好proud of(驕傲)自己20年之後仲可以參加同一個比賽,依家興大叔,大叔打籃球。(有信心同『小鮮肉』鬥波?)我諗住靠個樣,化行個粧,靠樣嚟匹敵,起碼人哋話我唔似(同小鮮肉)差20年,咁已經贏咗啦!」至於有傳MIRROR因紅館意外而未能出席,小方表示︰「暫時無聽到呢個消息。」

 

轉載自: 晴報

加息周期唔使急,最緊要定!各大銀行實時「定存息率大比拼」► 即睇

更多娛樂情報文章
你可能感興趣
#方力申 #口罩
編輯推介
即時報價
全文搜索
Search
最近搜看
球迷挑戰盃
貨幣攻略
More
Share