老細，又被打工仔稱為「腦細」，這帶有諷刺意味的字眼故名思意指老闆使用腦袋思考的次數較少，因而作出「吃力不討好」的決策。「腦細」也會經常「語出驚人」，令打工仔無言以對，只好用自己的生命值「硬接」，最後激到「嘔血」。

 

　　有打工仔就在討論區上開設帖子，著網民每人提供一句「腦細」的「金句」，分享每位打工仔聽過的經典名言佳句。網民提供的「腦細金句」大多分為3類，分別為邏輯錯誤類、明知故問類及陷阱類。

 

1/ 邏輯錯誤類

 

　　泛指老細所說的句子前後矛盾，大多會自打嘴巴，但打工仔聽後只能啞忍，敢怒不敢言。

 

網民分享：

 

「問老細嘢時：『咪講咗畀你聽囉！你唔好乜嘢都問啦！』

 

出事時：『叫咗你唔識就問架喇！你問嘢我又唔會鬧你嘅！』」

 

「唔使急，最緊要快。」

 

「你乜都唔使理，淨係理生意。」

 

「我唔想再聽到任何解釋或者理由！（但仍然繼續問原因）」

 

 

2/ 明知故問類

 

　　問題大多早已經有答案，或者根本是常識，但老細仍然會用來質問員工，打工仔應該如何回答也是一大學問。

 

網民分享：

 

「點解公司會無客嘅？」

 

「做乜咁夜仲唔走呀？（OT中）」

 

「老細問：『叫你做少少嘢做乜咁計較？』返工唔講金唔通講心？」

 

「你點解要遲到呀？」（日日揸車的老細不明塞車的痛苦）

 

3/ 陷阱類

 

　　當你聽到這類金句時，你已經「中伏」了！你應該已經「一身蟻」，準備好OT執手尾吧！

 

網民分享：

 

「老細問：你今晚收工有無嘢做？ （有可能叫你OT，更甚是食飯講大道理）」

 

「老細卸膊操：『我無咁講過喎！』」

 

「大家公司坐埋一條船，依家好多客，要加油啊！」

 

「老細話：『畀少少野你做，好簡單。』（你要知多數都唔簡單）」

 

　　各位僱主如果不想被員工稱為「腦細」，就要多留意員工，嘗試由員工的角度思考，做一個體察民情、受員工喜愛的好老細！

 

Source: CTgoodjobs

• 

etnet榮獲HKEX Awards 2023 「最佳表現證券數據供應商」大獎► 了解詳情